ЫЙЫТ-ХОРУЙДУУБУТ: Үлэ биэрээччи уоппусканы чаастарынан араарыан сөп дуо?

Үлэ биэрээччи уоппуска саамай кылгас болдьоҕун олохтуур уонна чаастарга араарар бырааба суох. Уоппуска күннэрин чаастарынан араарыы үлэһит сөбүлэҥинэн эрэ көҥүллэнэр. Бу туһунан Объясняем.рф саайт суруйар.

Онуоха, сорох чааһа 14 күнтэн аҕыйаҕа суох буолуохтаах (РФ Үлэҕэ Кодексатын 125-с ыстатыйата). Оттон хаалбыт күннэрин үлэһит үлэ биэрээччини кытта сөбүлэһэн, бэйэтигэр табыгастааҕынан ылыан сөп.

Болҕойуҥ! 14 хонугу быйылгы сыллааҕы уоппуска суотугар туһаныахха наада. Үлэһит ааспыт кэмтэн туһаныллыбатах күннэрдээх буоллаҕына, ол күннэри туспа ылыан эбэтэр быйылгы уоппускатыгар холбуон сөп.

Холобур, эһиэхэ быйылгы сылга 28 күн уоппуска күнэ уонна ааспыт сылтан хаалбыт 5 күн баар буоллаҕына, ону холбуу туһаныаххытын наада.  Оччотугар уоппуска күннэрин маннык араарыахха сөп:

• муус устар 14 күнүттэн 27 күнүгэр диэри — 14 күн (быйылгы сыллааҕы уоппуска);
• ыам ыйын 15 күнэ — 1 хонук (быйылгы сылтан);
• от ыйын 21 күнүттэн атырдьах ыйын 3 күнүгэр диэри — 14 күн, онтон 5-һэ — ааспыт сылтан;
• сэтинньи 24 күнүттэн 27 күнүгэр диэри — 4 күн (быйылгы сылтан).