ЫЙЫТ-ХОРУЙДУУБУТ: Үлэҕэ туох иһин ыстарааптыылларый?

Өскөтүн үлэ биэрээччи хойутааһын эбэтэр дресс-кодка сөп түбэспэт буолуу иһин ыстараабынан куттуур буоллаҕына, бу сокуону кэһиинэн ааҕыллар.

Накаастабыл быһыытынан хамнастан быһан тутан ылыы РФ Үлэҕэ кодексатын 22 уонна 137 ыстатыйаларынан бобуллар. Бу туһунан объясняем.рф саайт быһаарар.

Хамнастан тутуллар көҥүллэнэр анал түгэннэргэ эрэ, холобур:

• өскөтүн эһиги хамнас ахсааныгар ылбыт абаансаҕытын отчуоттаабатах буоллаххытына;
• командировкаҕа бэриллибит туттуллубатах абаанса харчыны төннөрбөтөх буоллаххытына;
• эһиэхэ алҕаска ордук харчыны ыыппыт буоллахтарына.

Дисциплинарнай кэһии иһин үлэни биэрээччи сокуон быһыытынан манныктары эрэ туһаныан сөп:

• бэлиэтээһин (замечание);
• сэмэ (выговор);
• үлэттэн ууратыы (увольнение).

Болҕойуҥ! Өскөтүн эһиги тэрилтэҕитигэр үлэһиттэри ыстарааптыыр буоллахтарына, эһиги үлэ инспекциятын саайтыгар онлайн үҥсүү суруйуоххутун сөп.