ЫЙЫТ-ХОРУЙДУУБУТ: Ынах уолбатын туһугар хайыыбыт?

— Ынах уолбатын туһугар тугу гыныахха?

Алексеевтар.

Ыйытыыга “Сахаагроплем” тэрилтэ  племенной үлэҕэ сүбэһитэ Мария Ивановна Никанорова хоруйдаата:

• Ынах хаһан уолбутуттан тутулуктаах. Аҕыйах ый ыаммыт буоллаҕына, үчүгэйдик массаастыыгын, аһылыгын эбэҕин, уутун элбэхтик иһэрдэҕин. Оттон кэтэх хаһаайыстыбалаах киһи ынаҕын ыан иннинэ ньирэйигэр эмтэриэн сөп. Оччоҕо ынаҕа үүт биэрэр. Оттон 8-9 ый ыаммыт буоллаҕына, хайаан да ынаҕы иһигэр сылдьар оҕото үчүгэйдик сайдарын, төрүүрүгэр эрэйдэммэтин туһугар 10-с ыйыгар уолларыахтааххын. Бастаан төрөөбүт ынаҕы бастаан үчүгэйдик кыра-кыралаан массаастыыр туһалаах буолар.

Хаартыска: Г.Осипова тиксэриитэ