Ыйыт-хоруйдуубут: үрдэтэр коэффициент туһаныллар дуо?

Күндү ааҕааччыларбыт! Өрөспүүбүлүкэҕэ киэҥ хабааннаах тэрээһиннэр түмүктэннилэр. Аны күргүөмүнэн окко киирии саҕаланна. Сорохтор окко киириэх иннинэ дьиэ-уот туттан, үлэлэрин үмүрүтэллэр. Абитуриеннар үөрэх туттарса куоракка кэллилэр. Онон, быһата, сайыҥҥы түбүктээх күннэр үүннүлэр. Ол быыһыгар от ыйын куйаас күннэрэ cатыылаатылар. Дьон-сэргэ син биир үлэтин быыһыгар хаһыаты, саайты ааҕар. Бүгүн киирбит ыйытыыларынан хоруйдары таһаарабыт.

– Хомунаалынай өҥө төлөбүрүн кээмэйин быһаарыыга ханнык түгэҥҥэ үрдэтэр коэффициент туһанылларый?

Ыйытыыга СӨ Судаарыстыбаннай тутууну уонна дьиэни-уоту кэтээн көрүүгэ управлениета маннык хоруйдуур:

– Тымныы ууну, итии ууну, уоту ааҕар анал (индивидуальнай) эбэтэр уопсай (кыбартыыраҕа) приборгут суох уонна ороскуоту ааҕар маннык прибору туруо­рар эбээһинэстээх буоллаххына (ону туруорарга тиэхиньиичэскэй өттүнэн кыаллар түгэнигэр), тымныы, итии уунан уонна уотунан хааччыйыыга  үрдэтиллибит коэффициент туһаныллар, бу кээмэйэ ити 2017 сыл тохсунньу 1 күнүттэн 1,5 тэҥнэһэр.