ЫЙЫТ-ХОРУЙДУУБУТ: Ырыардар эмп-том куттала туохханый?

Ырыардар эмп-том — аптаах таблетка буолбатах, ону быраас эрэ аныахтаах. Эмп-том састаабыгар семаглутид, лираглутид, дулаглутид курдук кутталлаах эттиктэр баар буолуохтарын сөп. Бу туһунан Объясняем.рф. сайт иһитиннэрэр.

Эми хонтуруола суох иһии маннык содуллаах буолуон сөп:

• сытыы панкреатикка — ноор былчархайын ыарыыта;
• оһоҕос атониятыгар — ас буһарыы кэһиллиитигэр;
• хотуолааһыҥҥа, төбө ыарыытыгар, утуйбат буолууга.

Эми иһэри тохтотуу эмиэ содуллаах буолуон сөп, холобур:

• ыйааһын түргэнник эбиллиитэ;
• эттик атастаһыытын кэһиллиитэ;
• кырдьаҕас киһи астениятын синдромун сайдыыта — бу уҥуох тостор кутталын үрдэтэр.

Хайдах куттала суох ырабыт?

Бырааһы кытта сүбэлэһиҥ — сөптөөх сүбэ-ама биэриэҕэ. Эми-тому ордук ыйааһын доруобуйаҕа дьиҥнээх кутталы үөскэтэр түгэнигэр эрэ аныыллар.

• калорий тиийбэтин тутуһуҥ — бэйэҕит нуормаҕытыттан 10–15%;
• фастфудтан, минньигэстэн уонна сыалаахтан аккаастаныҥ;
• аһы бытааннык уонна үчүгэйдик ыстаан сииргэ кыһаллыҥ;
• успуордунан дьарыктаныҥ уонна элбэхтик хаамыҥ.