Ыйыт-хоруйдуубут: Ыспыраапка ирдэммэт

— Хомуурга ыҥырыллыбыт киһи кэргэнэ оҕолоругар төлөбүрү  оҥоттороругар кини харчытын (денежное содержание) туһунан ыспыраапканы хантан ылыахтааҕый?

“Объясняем.рф”федеральнай сайт бу боппуруоска бэҕэһээ маннык хоруйдаабыт:

— Оҕолорго босуобуйаны ааҕыыга байыаннай сулууспалаах  харчытын кээмэйэ учуоттаммат. Ону тэҥэ хомуурга ыҥырыллыбыт төрөппүт баар буоллаҕына, «нулевой» дохуот быраабылата туһаныллыбат. Онон, оҕолорго төлөбүрдэри толотторууга байыаннай сулууспалаах харчытын туһунан ыспыраапка ирдэммэт.

Дьиэ кэргэн чилиэнэ хомуурга хабыллыбытын туһунан бигэргэтэр ыспыраапканы тиийбит сириттэн байыҥкамааттан ылыан сөп.