Ыйыт-хоруйдуубут: Ханнык түгэҥҥэ билиэти төннөрүөххэ сөбүй?

Ыйыт-хоруйдуубут: Ханнык түгэҥҥэ билиэти төннөрүөххэ сөбүй? Бу ыйытыкка юристар маннык хоруйдууллар.

Өскөтүн ханна эрэ айаннаары билиэт атыылаһан баран, болдьоҕор айаннаабакка хаалар түгэҥҥэ сыанатын харчынан төннөрүөххэ сөп. Ханнык түгэҥҥэ?

• Өскөтүн билиэт хаһаайына эбэтэр кини дьиэ кэргэниттэн барсыахтаах киһи ыарыйдаҕына;
• Билиэт хаһаайынын дьиэ кэргэниттэн ким эмит өллөҕүнэ (ийэ, аҕа, кэргэн, оҕо, эһэ, эбэ);
• Рейс уһатылыннаҕына эбэтэр көһөрүлүннэҕинэ;
• Айана тэрийээччи билиэккэ ыйыллыбыт миэстэни биэрбэтэҕинэ;
• Аэропорка өр көрүүгэ (досмотр) хаайтаран, рейскэ хойутаатахха.

Ол курдук, пассажир бэйэтэ эбэтэр айаҥҥа барсыахтаах аймах аргыһа ыарыйдаҕына эбэтэр өллөҕүнэ тутатына айана тэрийээччигэ биллэрэр булгуччулаах.