Ыксаллаах быһыыга баҕа өттүнэн көмөлөһөр дьон II сүлүөтэ ыытыллыаҕа

Ыксаллаах быһыыга баҕа өттүнэн көмөлөһөр дьон II сүлүөтэ ыытыллыаҕа

Ааптар:
04.05.2023, 16:36
Мария Васильева хаартыскаҕа түһэриитэ, СИА.
Бөлөххө киир:

Дьокуускайга «Үс Хатыҥҥа» ыам ыйын 5 күнүгэр биир бөдөҥ тэрээһин буолара былааннанар. Ол курдук, ыксаллаах быһыыга баҕа өттүнэн көмөлөһөр дьон II сүлүөтэ манна ыытыллыаҕа. Билиҥҥи уустук кэмнэргэ араас быһылааннар, айылҕа алдьатыылаах иэдээннэрэ, киһи дьайыытын түмүгэр тахсар алдьархайдар куттал суох буолуутун хааччыйыыга түргэн туттууну, сомоҕолоһууну эрэйэллэр.

Бу туһунан Саха Өрөспүүбүлүкэтин нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлэ Дмитрий Николаевич Лепчиков кэпсиир:

— Саха Өрөспүүбүлүкэтин ыксаллаах быһыыга баҕа өттүнэн көмөлөһөр дьонун, доброволецтарын өрөспүүбүлүкэтээҕи сүлүөттэрэ – бу улахан суолталаах түмсүү. Сүлүөккэ кинилэр араас быһылааннар, айылҕа алдьатыылаах иэдээннэрин, киһи дьайыытын түмүгэр тахсар алдьархайдар ыксаллаах быһыыларын-майгыларын усулуобуйаларыгар үлэлииргэ маастар-кылаастарга үөрэниэхтэрэ. Маннык сүлүөт бырабыыталыстыба өйөөһүнүнэн ыытыллар. Тэрийээччилэр — Саха Өрөспүүбүлүкэтин нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт уонна СӨ Ыччат дьыалаларыгар уонна социальнай коммуникацияларга министиэристибэтэ.

Сүлүөт үлэтигэр ыксаллаах быһыыга-майгыга сыһыаннаах бары тэрилтэлэр кыттыыны ылыахтара – РФ Саха Өрөспүүбүлүкэтигэр ЫБМ Кылаабынай управлениета, «Гражданскай оборуонаҕа, нэһилиэнньэни уонна сири-уоту көмүскээһиҥҥэ, айылҕа алдьатыылаах иэдээннэриттэн, киһи дьайыытын түмүгэр тахсар алдьархайдартан, баһаардартан куттал суох буолуутун хааччыйыыга управление» МКУ, СӨ Айылҕа харыстабылыгар министиэристибэтэ, «Авиационная охрана лесов», «Якутлесресурс», «СӨ Быыһыыр сулууспата», «СӨ баһаары утары сулууспата» тэрилтэлэр, СӨ волонтердары кытта үлэҕэ Киинэ, РФ Кыһыл Кириэһин уопсастыбаннай тэрилтэтин Саха сиринээҕи салаата, СӨ Устудьуоннарын этэрээттэрэ, «Саха сирин добровольческай штаба», «Спецназ Добра» уо.д.а.

Сүлүөт сүрүн сыала-соруга – куттал суох буолуутун боппуруостарыгар ыччат болҕомтотун туһаайыы. Бу улахан тэрээһиҥҥэ өрөспүүбүлүкэ бары муннуктарыттан уопсайа 200-кэ кыттааччы кэлиэ. Сүлүөт үлэтин муҥутуур чыпчаалынан ыксаллаах быһыы-майгы усулуобуйатыгар идэлээх үлэһиттэр (быыһааччылар, баһаарынайдар, ойуур үлэһиттэрэ, исписэлиистэр) сатабылы, булугас өйү, тулууру, дьулууру көрдөрөр үөрэҕи (учение) ыытыы кэмигэр быыһыыр үлэлэр сүрүн тутулларын көрдөрүү буолуоҕа. Кутталлаах быһыыга-майгыга үлэлиир анал тиэхиньикэ арааһа көрдөрүллүө.

Быыһыыр уонна аһымал үлэлэр араас иэдээҥҥэ көмөҕө кэлэргэ бэлэм, онуоха ис сүрэхтэриттэн баҕалаах дьоно суох барбаттар. Добровольческай хамсааһыҥҥа ыччат интэриэһэ улахана үөрдэр. Маннык хамсааһыны өйөөһүн, сайыннарыы — биһиги улахан суолталаах сорукпут.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 мая
  • 3°C
  • Ощущается: -2°Влажность: 48% Скорость ветра: 6 м/с

Сообщить об опечатке

Текст, который будет отправлен нашим редакторам: