Андрей Сорокин хаартыскаҕа түһэриитэ
СӨ Бырабыыталыстыбатын Бэрэссэдээтэлэ Кирилл Бычков дьиэ ылаары өлүүлэһэн тутууга киирэн албыннаппыт 44 киһиэхэ кыбартыыра күлүүстэрин туттарда.
Кыһалҕалара быһаарыллыбыт дьон Дьокуускай куорат “Ильинка” түөлбэтигэр тутуллубут 32 кыбаартыыралаах дьиэҕэ киириэхтэрэ. Үксүлэрэ бу үөрүүлээх күн тосхойорун 10 сыл күүппүттэрэ.
“Бу Арассыыйа Бэрэсидьиэнэ уонна Ил Дархан сорудахтарын толорууга улахан үлэ буолар. 2023 сыл бүтүөр диэри өрөспүүбүлүкэҕэ албыннаппыт дольщиктар кыһалҕаларын быһаарар соруктаахпыт. Саха сиригэр өлүүлэһээччилэр бырааптарын көмүскүүр өрөспүүбүлүкэтээҕи пуонда көмөтүнэн, тутуу кэмигэр кыһалҕаламмыт эбийиэктэр түмүктэнэн үлэҕэ киириэхтэрэ”, — диэн эттэ Кирилл Бычков.
Кини этэринэн, бу кыһалҕалаах боппуруоһу Ил Дархан Айсен Николаев хонтуруолга тутар. “Айсен Сергеевич Бырабыыталыстыба иннигэр “албыннаппыт дольщик” диэн өйдөбүл өрөспүүбүлүкэҕэ суох буоларын ситиһэргэ сорудахтаабыта. Кэлэр кэмҥэ маннык көстүү суох буоларыгар эрэл баар. Саха сирин салалтата эрэгийиэн иһигэр өлүүлэһэн тутуу үлэтин кэтээн көрөр, болдьоҕу уһатыы суох буоларын курдук хонтуруолга ылар”.
Быйыл өрөспүүбүлүкэ үрдүнэн 249 бу курдук кыһалҕалаах гражданнар быааптарын көмүскээһин үлэтэ ыытылынна. Бу дьон үс дьиэ тутуутугар уустуктары көрсүбүттэр. Бу саҥа 32 кыбартыыралаах дьиэни таһынан, ахсынньыга Автодорожнай уулуссаҕа 16 этээстээх дьиэ үлэҕэ киириэ.
Сиһилии https://www.sakha.gov.ru/news/front/view/id/3378008 ааҕыҥ.
Ааспыт нэдиэлэ иһигэр өрөспүүбүлүкэ 6 олохтооҕо түөкүттэр албыннарыгар киирэн биэрэн, уопсайа 1 840 037 солкуобайы…
РФ Бэрэсидьиэнэ Владимир Путин Административнай кэһиилэр тустарынан кодексатыгар уларытыылары киллэрэр уонна байыаннай комиссариакка көспүтүн туһунан…
Судаарыстыбаннай Дуума дьокутаата Игорь Антропенко оскуолаларынан оҕолорго Сэбиэскэй кэминээҕи Саҥа дьыллааҕы остуоруйалары көрдөрөр туһунан этии…
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…