Хаартыска -- Мария Васильева. СИА
Аҕа дойду көмүскээччилэрин күнүгэр Дьокуускай куоракка Кыайыы пааркатыгар “Килбиэннээх үлэ албан аатын куората” мемориальнай комплекс бырайыагын билиһиннэриэхтэрэ.
РФ Бэрэсидьиэнэ Владимир Путин 2022 сыл сэтинньи 15 күнүнээҕи ыйааҕынан Дьокуускай куоракка “Килбиэннээх үлэ албан аатын куората” бочуоттаах ааты иҥэрбитэ.
Б.дь. олунньу 23 күнүгэр Дьокуускайга сүдү суолталаах мемориальнай комплекс бырайыагын билиһиннэриэхтэрэ. Комплекс сүрүн эбийиэгинэн киин куорат олохтоохторун төрөөбүт дойдуларын сайдыытын туһугар үлэҕэ ситиһиилэрин кэрэһилиир Аарка буолуоҕа. Ааптар — Денис Стритович. Кини хас биирдии албан ааттаах куоракка ураты бырайыагы оҥорон олоххо киллэрэр. Москва скульптора бырайыак хас да макетын билиһиннэрбититтэн, биирин таллылар. Билиһиннэрии кэнниттэн бырайыактыыр-сметалыыр документацияны оҥорон барыахтара.
Мемориальнай комплексы быйыл бүтэрэн, балаҕан ыйыгар Куорат күнүгэр үөрүүлээх быһыыга-майгыга аһыллыыта буолуоҕа.
Дьокуускай куоракка ““Килбиэннээх үлэ албан аатын куората” бочуоттаах ааты иҥэрии сүрүн төрүөтэ – Оборуона министиэристибэтигэр Аҕа дойду Улуу сэриитин кэмигэр байыаннай сөмөлүөттэр көтүүлэрин тэрийбит «АлСиб» авиационнай дивизия Үлэ Кыһыл Знамята уордьанынан наҕараадаланыыта уонна Саха сириттэн сылдьар Сэбиэскэй аармыйа салааттара ньиэмэс халабырдьыттарын утары дьоруойдуу бойобуой кыргыһыылара уонна тыылга өрөспүүбүлүкэ олохтоохторун кыайыыны уһансыыга үлэлэрэ, фроҥҥа үбүнэн, түүлээх таҥаһы тигэн өйөбүллэрэ.
«Мин Аҕа дойду Улуу сэриитин сылларыгар бэйэлэрин харыстаммакка туран, дьаныардаартык кыайыыны уһансан үлэлээбит дьоммут кэриэһин үйэтитиигэ үлэлэспит Ил Түмэн норуодунай дьокутааттарыгар уонна уопсастыбаннаска истиҥ махталбын тиэрдэбин. Биһиги бары түмсүүлээхтик икки сыл устата туруорсан, бу түмүгү ситистибит. Сахабыт сирин устуоруйатыгар биир саамай бэлиэ түгэн — Аҕа дойду Улуу сэриитин сылларыгар Кыайыыны чугаһаппыт аҕа саастаах дьоммут үлэлэрин түмүгэ”, — диэн Дьокуускай куоракка ““Килбиэннээх үлэ албан аатын куората” бочуоттаах ааты иҥэрии туһунан сонуну истэн баран, бар дьонугар махтал тылларын анаабыта.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…