Үлэ бэтэрээннэригэр толуйуу оҥоһуллар

Бүгүн Дьокуускайга Элбэх өҥөнү оҥорор кииҥҥэ (МФЦ) сылдьан биир туһалаах сонуну иһиттим.

Саха сирин үлэ бэтэрээннэригэр бу 2024 сыл алта ыйдаах хомунаалынай өҥө төлөбүрдэригэр  толуйуу оҥоһуллар буолбут. Онон үлэ бэтэрээннэрэ докумуоннарын туттара сылдьаллар. Туох докумуон ирдэнэригэр эҥин сүбэ биэрэллэр.

Консультациялыыр үлэһит этэринэн, пааспар, СНИЛС, ИНН, үлэ бэтэрээнин туоһулуур киниискэ, 6 ыйдаах хомунаалынай өҥө төлөбүрүн счеттара, толуйуу харчыта ыытыллар счетун нүөмэрэ ирдэниллэр. Онон алта ыйдаах төлөбүрү толору төлөөбүт уонна докумуоҥҥутун толору хомуйбуттар олорор сиргитигэр баар МФЦ тиийиэххитин сөп.

—   Үлэ бэтэрээнэ улууска олорор эрээри Дьокуускайга дьиэлээх буоллаҕына, куоракка баар дьиэтигэр хомунаалынай өҥөнү төлөөбүтүн иһин толуйуу ылар дуо?

— Суох. Толуйуу бырапыыскалаах сиригэр баар дьиэтигэр бэриллэр, — диэн хоруйдаата МФЦ үлэһитэ.

Бу оҥоһуллар көмө туһунан сиһилии олохтоох социальнай тэрилтэлэртэн уонна МФЦ-тан ыйыталаһыҥ.

«Мои документы» киин төлөпүөнэ: 8-800-100-22-16

Онон күөх өҥнөөх киниискэбит туһалыыр кэмэ кэлбит.