Хотугулуу-Илиҥҥи федеральнай университет тус сыаллаах үөрэнэр устудьуоннара уонна быйыл үөрэҕи бүтэрээччилэр Алдан, Ленскэй, Нерюнгри, Орто Халыма улуустарын бэрэстэбиитэллэрин кытта баар вакансиялар уонна үлэҕэ киирии усулуобуйатын тула кэпсэттилэр. Быйыл тустаах улуустартан төрүттээх 70-тан тахса устудьуон университеты бүтэрэр.
“Сыана уонна сайдыы компетенцияларын киинин сыала – устудьуоннар үөрэхтэрин кэнниттэн үлэҕэ киирэллэригэр идэҕэ сатабылларын уонна компетенцияларын сайыннарыы. Биһиги устудьуоннар бэйэлэрэ сайдан тахсалларыгар сүбэ-ама биэрэбит, үлэҕэ киирэллэрин кэтээн көрөбүт уонна үлэ булалларыгар көмөлөһөбүт. Хас биирдии устудьуон анал методологиянан хас биирдии идэҕэ суолталаах сатабылларын (гибкий навык) быһаартарыан сөп. Барыта биэс сүрүн тирэх буолар уонна өссө эбии биэс тест баар. Күн бүгүн диагностиканы 2625 устудьуон ааста. Бэрэбиэркэ түмүгүнэн тахсыбыт сатабыл паспорын бэйэбиллэригэр (резюмеларыгар) киллэриэхтэрин сөп”, — диэн ХИФУ тустаах киинин салайааччытын солбуйааччы Күннэй Бетюнская кэпсиир.
Алдан улууһун үөрэххэ департаменын начаалынньыгын солбуйааччы Ольга Чмирь бу сылга Алдан төрүттэммитэ 100 сылын бэлиэтиир. Манан сибээстээн 2030 сылга диэри Ил Дархан улуус сайдыытыгар ыйааҕа тахсыбытын, бу улахан кэскиллээҕин ыйар. “Биһиэхэ 22 үөрэх тэрилтэтэ баар. Оскуолаларбыт араас көрүҥнээхтэр, барыта 5123 оҕо үөрэнэр. Биэс оскуолаҕа нуучча тылын уонна литэрэтиирэтин учуутала, өссө икки оскуолаҕа алын кылаас учууталлара ирдэнэллэр. Педагогтар орто саастара 50, эдэр исписэлиистэри үөрэ көрсөбүт, үөрэнээччилэр эһигини кэтэһэллэр”, — диэн Ольга Чмирь санаатын тиэртэ.
ХИФУну сыллата 3000-тан тахса киһи бүтэрэр. Былырыын бүтэрбиттэртэн 57 % үлэҕэ киирбит, 32 % салгыы үөрэнэр, 6 % аармыйаҕа ыҥырыллыбыт, 3 % оҕотун көрөн олорор, 4 киһи үлэ булбатах.
Быйыл 3100 киһи үөрэҕи бүтэриэхтээх, итинтэн 283 тус сыаллаах устудьуон диэн иһитиннэрдилэр. Санатан эттэххэ, ХИФУну бүтэрээччилэр үлэ биэрээччилэри кытта олунньу 21 күнүгэр диэри көрсүөхтэрэ. Ый устата барыта 3000 киһини хабар былааннаахтар. Бу туһунан ХИФУ пресс-сулууспата суруйар.
Оройуоннар икки ардыларынааҕы силиэстийэлиир киин отдела киһини өлөрүүгэ уорбаланар, Мохсоҕоллоох бөһүөлэгин 57 саастаах олохтооҕор холуобунай…
Дьон-сэргэ үлэ, үлэҕэ сыһыан боппуруостарыгар, бэйэ быраабын туһаныыга уо.д.а. мунаарар ыйытыыта элбэх. “Дуоһунаһы сарбыйыынан…
Балаҕан ыйын 3 күнүгэр Пекиҥҥэ Тяньаньмэнь болуоссакка Япония капитуляциялаабытын кэннэ Иккис аан дойду сэриитэ бүппүтэ…
СӨ Борокуратуурата иһитиннэрбитинэн, Таатта улууһугар бүддьүөт харчытын уоруунан холуобунай дьыала тэриллибит. Ол курдук холуобунай дьыаланы…
“Роскосмос” судаарыстыбаннай корпорация телеграм-ханаалыгар иһитиннэрэринэн, балаҕан ыйын 7 күнүгэр Арассыыйа сиригэр-уотугар ый "өлүөҕэ". —…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…