Хаартыска: Мария Васильева, СИА.
Быйылгы үөрэх дьылыгар үөрэнээччилэр Бүтүн Арассыыйатааҕы олимпиадаларын бастакы түһүмэҕэ саҕаланна. Манна биир саҥа көстүү быһыытынан “Технология” биридимиэт “Труд (технология)” диэн ааттанан, олимпиадата эмиэ атыннык ааттанна.
“Труд (технология)” биридимиэтигэр ыытыллар Бүтүн Арассыыйатааҕы олимпиада «Дьиэ култуурата, дизайн уонна технология», «Техника, технология уонна техническэй айар үлэ», «Информационнай куттал суох буолуута» уонна «Робототехника» хайысхаларынан ыытыллыа. Бу түөрт хайысха урукку да сылларга “Технология” биридимиэтин олимпиадатыгар киирэллэрэ”, — диэн иһитиннэрдилэр РФ Үөрэҕин министиэристибэтигэр.
Сүрүнэ: ааспыт үөрэх дьылыгар «Технология» биридимиэккэ оскуолатааҕы, муниципальнай эбэтэр эрэгийиэннээҕи түһүмэхтэр кыайыылаахтара уонна призердара быйылгы «Труд (технология)» биридимиэт олимпиадатыгар туох да мэһэйэ суох салгыы кыттар бырааптаахтар. Ол эбэтэр былырыын «Технологияҕа» эрэгийиэннээҕи түһүмэх кыайыылааҕа быйыл тута “Труд” олимпиадатын эрэгийиэннээҕи түһүмэҕэр кыттар бырааптаах.
Олимпиада сорудахтарын ис хоһооно, сүнньүнэн, улаханнык уларыйбаттар.
Үөрэнээччилэр Бүтүн Арассыыйатааҕы олимпиадаларын түмүктүүр түһүмэҕин кыайыылаахтарын уонна призердарын дипломнара түөрт сыл устата дьайар уонна дойду үрдүк үөрэҕин кыһаларыгар эксээмэнэ суох туһааннаах хайысхаларынан киирэллэригэр быраап биэрэр.
Үлэ уруога 1-4 уонна 8-9 кылаастарга нэдиэлэҕэ биирдэ, 5-7 кылаастарга иккитэ буолуоҕа. «Производство и технологии», «Компьютерная графика. Черчение», «Технологии обработки материалов и пищевых продуктов», «3D-моделирование, прототипирование, макетирование», «Робототехника» курдук модулларынан үөрэтии барыа.
Ону таһынан эрэгийиэниттэн көрөн, бырагыраамаҕа «Үүнээйини үүннэрии», «Сүөһүнү иитии”, “Авиамоделирование”, о.д.а. модуллар киириэхтэрин сөп. Холобур, сир баайын хостуур эрэгийиэннэргэ — Забайкальскай кыраайга, Саха сиригэр, Тюменскай уобаласка “Автоматизированнай тиһиктэр” модуль киирэн биэриэн сөп.
Хас биирдии үөрэтэр модульга “Идэ эйгэтэ” тиэмэ баар, манна оҕолор аныгы үлэ ырыынага ханнык идэлэргэ наадыйарын билсиэхтэрэ, идэлэрин талалларыгар көмөлөһүннэриэхтэрэ.
Уус Алдан улууһугар Тиит Арыыга 16 сылын доҕордуу көрсүһүү үрдүк тэрээһиннээхтик ыытылынна. Манна Тиит Арыыттан…
Бу күннэргэ дойду бары сиригэр-уотугар өтөрүнэн бэлиэтэммэтэх сылыйыы буола турарын туһунан Арассыыйа Гидромет киинин научнай дириэктэрэ…
Былыр аныгы курдук аптека да, балыыһа даҕаны диэн суох. Онон хас эмэ үйэ тухары көлүөнэттэн…
Байыаннай дьайыы кыттыылаахтарыгар уонна кинилэр дьиэ кэргэттэригэр психологтар көмөлөрө, өйөбүллэрэ салҕанар. Ааспыт нэдиэлэҕэ, ону сэргэ…
Сорохтор уонунан, сүүһүнэн миэтэрэ үөһэ ытталлар, атыттар саастыылаахтарын кырбыылларын видеоҕа усталлар. Бу барыта биир эрэ…
Ким этэҥҥэ сылдьыан, уһун үйэлэниэн баҕарбат буолуой? Бары да уһуннук, дьоллоохтук олорору сэргиир, сэҥээрэр буоллахпыт.…