Салгыы
До выборов президента РФ
00 дней
:
00 часов
:
00 минут
:
00 секунд
Үлэ булалларыгар көмөлөһөллөр

Үлэ булалларыгар көмөлөһөллөр

Ааптар:
31.10.2023, 15:20
Хаартыска sakha.gov.ru ылылынна
Бөлөххө киир:

Дьарыктаах буолуу сулууспалара байыастар уонна кинилэр дьиэ кэргэттэрэ үлэни булалларыгар уонна үөрэнэллэригэр көмөлөһөллөр.

Ил Дархан Айсен Николаев сорудаҕынан дьарыктаах буолуу сулууспалара байыастары уонна кинилэр дьиэ кэргэттэрин кытары үлэлэрин салгыыллар. Бүгүҥҥү иһитиннэриинэн 26 байыас уонна кинилэр дьиэ кэргэттэрин 95  чилиэнэ үлэ булбуттар. Бу туһунан брифиҥҥэСӨ нэһилиэнньэ дьарыктаах буолуутун киинин дириэктэрин бастакы солбуйааччы Игорь Соловьев иһитиннэрдэ.

«Нэһилиэнньэ дьарыктаах буолуутун сулууспатыгар 70 байыас үлэ-хамнас туһунан ыйыталаспытыттан, 26  киһи үлэнэн хааччылынна«, — диэн этэр кини. Учуокка 25 байыас туруоруллубутуттан, сүүрбэтэ үлэтэ суоҕунан ааҕыллыбыт. Оттон байыастар дьиэ кэргэттэриттэн уопсайа 161 киһи дьарыктаах буолуу сулууспатыгар үлэ-хамнас сураспыт буоллаҕына, 95 киһи үлэнэн хааччыллыбыт. Олор ортолоругар «педагог», «художественная фотография», «младший медицинский персонал» уо.д.а. киирэллэр. Сайыҥҥы кэмҥэ 36  оҕо үлэлээбит. Байыастар дьиэ кэргэттэриттэн 41  киһи учуокка туруоруллубутуттан, 31 киһи үлэтэ суоҕунан ааҕыллыбыт.

«Орто анал үөрэххэ 31 байыас уонна кинилэр дьиэ кэргэттэриттэн 38 киһи киирбит. Байыастартан манна суоппар идэтигэр (В,С,Е категорияларга), «водитель погрузчика», «машинист бульдозера», «слесарь КИПиА» уо.д.а. үөрэнэллэр«, — диир Игорь Соловьев. Кини иһитиннэрэринэн, алтынньы 30  күнүттэн сэтинньи 3  күнүгэр диэри дьарыктаах буолуу сулууспалара Дьокуускайга уонна өрөспүүбүлүкэ бары улуустарыгар үлэ көрдөөччүлэргэ анаан аһаҕас аан күннэрин тэрийэн ыыталлар.

«Дьарыктаах буолуу кииннэрин исписэлиистэрэ сүбэ-ама биэрэн көмөлөһүөхтэрэ. Маны сэргэ, «быһа сибээс» эмиэ үлэлиир», — диэн бэлиэтиир кини.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
23 февраля
  • -36°C
  • Ощущается: -36°Влажность: 73% Скорость ветра: 1 м/с

Сообщить об опечатке

Текст, который будет отправлен нашим редакторам: