Хаартыска: куйаар аһаҕас ситимиттэн
Бэс ыйын 27 күнүгэр дойду үрдүнэн «Работа России. Время возможностей» Бүтүн Арассыыйатааҕы үлэнэн хааччыйыы дьаарбаҥкатын федеральнай түһүмэҕэ ыытыллар.
Саха сиригэр 35 анал былаһаакка үлэлиэҕэ, онно 200-тэн тахса үлэни биэрээччи 2000-тан тахса үлэ миэстэтин билиһиннэриэҕэ.
СӨ Нэһилиэнньэтэ дьарыктаах буолуутун судаарыстыбаннай кэмитиэтэ бэлиэтээбитинэн, Бүтүн Арассыыйатааҕы үлэнэн хааччыйыы дьаарбаҥката сыл аайы экэниэмикэ араас салааларыттан — кыра биисинэстэн саҕалаан бөдөҥ бырамыысыланнай тэрилтэлэргэ тиийэ тыһыынчанан үлэ көрдөөччүлэри уонна үлэни биэрээччилэри түмэр.
Дьаарбаҥка кыттааччыларын ортотугар эрэгийиэн бастыҥ хампаанньалара бааллар: «Алмазы Анабара» АУо, «ЯТЭК» ПАУо, «Саханефтегазсбыт» АУо, «Сахатранснефтегаз» АУо, «Якутскэнерго» ПАУо, о.д.а. Үлэ көрдөөччүлэр бу күн тэрилтэлэр бэрэстэбиитэллэрин кытта быһаччы кэпсэтэр, үлэ усулуобуйатын, хамнас кээмэйин уонна карьераҕа үүнэр кыахтары туһунан иһитиннэриилэри ылар кыахтаахтар.
Маны таһынан, тэрээһин чэрчитинэн маастар-кылаастар, консультациялар уонна трениннэр ыытыллаллара былааннаналлар. Эспиэрдэр үлэҕэ киирэргэ ордук кэскиллээх хайысхалары быһаарарга, көдьүүстээх резюмены оҥорорго уонна карьера суолун былаанныырга көмөлөһүөхтэрэ.
Бу бырагыраама идэни тала турар ыччакка, устудьуоннарга уонна үөрэҕи бүтэрээччилэргэ ордук туһалаах буолуоҕа. Тэрээһиннэр бырагыраамаларын кытта билсэргэ уонна «Работа России. Время возможностей» Бүтүн Арассыыйатааҕы үлэнэн хааччыйыы дьаарбаҥкатын федеральнай түһүмэҕин кыттааччыта буоларга СӨ официальнай информационнай порталыгар киирэн булуохха сөп: https://gkzn.sakha.gov.ru.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…