Үлэ дьаарбаҥкатыгар 3000-тан тахса вакансия бэлэмнэннэ

3000-тан тахса вакансияны 200-тэн тахса Саха сирин хампаанньалара уонна тэрилтэлэрэ муус устар 18 күнүгэр «Работа России. Время возможностей» Бүтүн Арассыыйатааҕы дьаарбаҥкаҕа бэлэмнээтилэр.

Тэрээһин Саха сирин бары оройуоннарын хабыаҕа. Тэрийээччилэр 130-ча былаһаакканан 4000-тан тахса кыттааччыны кытыннарары былаанныыллар. Үгэс буолбут кэпсэтиини таһынан тэрилтэлэргэ профориентационнай турдар, төгүрүк остуоллар, сэминээрдэр уонна тарҕаммыт идэлэринэн маастар-кылаастар былааннаналлар. Ону сэргэ үөрэх дьаарбаҥкаларын тэрийэллэр.

Бары былаһааккаларынан дьарыктаах буолуу кииннэрин исписэлиистэрэ уонна хампаанньалар бэрэстэбиитэллэрэ үлэлиэхтэрэ, кинилэр атын эрэгийиэннэринэн үлэ миэстэтин таһаарыыга уонна үлэҕэ ылыыга табыгастаах тэрээһиннэр тустарынан кэпсиэхтэрэ. Үлэ көрдөөччүлэр биир кэмҥэ хас да үлэ биэрээччини кытта кэпсэтиини ааһыахтарын сөп. Идэни талыыга аччыгый уонна орто биисинэстэн саҥалаан улахан корпорацияларыгар тиийэ киэҥ буолуоҕа.

Дьокуускайга дьаарбаҥка «Арассыыйа — мин устуоруйам» түмэлгэ ыытыллар (Ксенофонт Уткин уулуссата, 5 дь.). Оройуоннарынан олохтоох дьарыктаах буолуу кииннэригэр олохтоммут кыраапык быһыытынан тэриллиэҕэ.