Үлэ Дьоруойа: “Быыбарга күргүөмүнэн көхтөөхтүк кэлэн кыттыҥ”

Сунтаар улууһун Кириэстээх аатырбыт ыанньыксыта, Үлэ Дьоруойа Владимир Михайлов бэҕэһээ лоп курдук сарсыарда 8 чааска бастакынан баран куоластаабыт.

“Бэҕэһээ сарсыарда 8 чааска баран быыбардаабытым. Кириэстээх нэһилиэгэр бэҕэһээҥҥи туругунан быһа холуйан 500-тэн тахса быыбардааччы баар. Бэҕэһээҥҥи туругунан 45 % куоластаата дииллэр. Билигин даҕаны дьон кэлэ турар.

Быыбардыы илик дьон инники кэскилбит, сайдыыбыт туһугар күргүөмүнэн тиийэн бэйэлэрин куоластарын биэрэллэригэр ыҥырабын. Бүгүн-сарсын эрэ күн хаалла”, — диэн аатырбыт ыанньыксыт Владимир Африканович Саха сирин олохтоохторугар этэр.