Үлэ Дьоруойа Варвара Устинова дьоһун сааһын туолла

Арассыыйа Дьоруойа Варвара Устинова от ыйын 23 күнүгэр үбүлүөйдээтэ. Ил Дархан Айсен Николаев киниэхэ ойуур хаһаайыстыбатын сайдыытыгар өр сыллаах, үтүө суобастаах үлэтин иһин махтанна.  

Варвара Устинова  сааһын тухары ойуур хаһаайыстыбатыгар үлэлээбитэ. Алдан оройуонугар, тайҕа ортотугар төрөөбүтэ. Лисинскэй үөрэтэр лесничествоны бүтэрбитэ уонна Орто Халымаҕа тиэхиньик-лесоводунан үлэлээбитэ. Үрдүк үөрэҕи бүтэрэн баран, Тааттатааҕы лесхозка үлэлээбитэ.

2003 сылтан Хаҥалас лесничествотын салайбыта. Ойуур хаһаайыстыбатыгар уопсай ыстааһа — 39 сыл.

2017 сыл муус устар ыйыгар Варвара Устинова килбиэннээх үлэтин бэлиэтээн, РФ Үлэ Дьоруойун үрдүк аатын иҥэрбиттэрэ. Бэрэсидьиэн Владимир Путин илиититтэн наҕараадатын туппута.