Салгыы
«Yлэ-иис күрэҕэ» IV өрөспүүбүлүкэтээҕи күрэх элбэх иистэнньэҥи түмтэ

«Yлэ-иис күрэҕэ» IV өрөспүүбүлүкэтээҕи күрэх элбэх иистэнньэҥи түмтэ

10.07.2024, 17:30
Сайаана Львова хаартыскаҕа түһэриитэ
Бөлөххө киир:

Бүгүн үһүс күнүн IV өрөспүүбүлүкэтээҕи «Yлэ-иис күрэҕэ» үлэтин саҕалаата. Саха сирин араас улуустарыттан анал байыаннай дьайыы кыттыылаахтарыгар таҥас-сап тигэр иистэнньэҥнэр кэлэн, бэйэлэрин сатабылларын, маастарыстыбаларын көрдөрө сылдьаллар.

Дьокуускай куорат «50 сыл Успуорт дыбарыаһа» уораҕайыгар Дьокуускай куораттан «Сахабулт», Чурапчы улууһуттан «Сатабыл», Кэбээйи улууһун, Таатта улууһун «Харыстаана», Мэҥэ Хаҥалас улууһуттан «Хотун Төҥүлү», Орто Халыма улууһуттан «Халыма», Булуҥ, Дьааҥы, Усуйаана, Муома улуустарын хомуур хамаандалара кэлэн кытта сылдьаллар.

Үөрүүлээх аһыллыыга СӨ Бырабыыталыстыбатын Бэрэссэдээтэлин бастакы  солбуйааччы Дмитрий Садовников кэлэ сылдьыбытын, болҕомтоҕо туталларын кыттааччылар астына кэпсээтилэр. Бу тэрээһин сыалынан нэһилиэнньэ патриотическай тыынын уһугуннарыы уонна байыаннай дьайыы кыттыылаахтарын өйөөһүн, Саха сирин иистэнньэҥнэрин хамсааһыннарын өйөөһүн буолар. «Yлэ-иис күрэҕэ» IV өрөспүүбүлүкэтээҕи күрэхтэһии бэрэссэдээтэлэ Ирина Саввина тэрээһин аһыллыытыгар тыл этэригэр үлэ уопутун атастаһыы, айар үлэни кэҥэтии, дьыалабыай сибээһи олохтооһун уонна байыастарбытыгар күүс-көмө буолуу – ол буолар биһиги ситиһиибит диэн этиитэ кыттааччыларга барыларыгар ыйар суолунан буолла.

Күрэхтэһии кэмигэр дьоннорун өйөөннөр Дьокуускай куоракка олохсуйбут дьон түмсүүлэрэ кэлэн ас-үөл аҕалан, үтүө тылларынан өйөөн кыттааччыларга күүс-уох эптилэр. Орто Халыма улууһуттан норуот дьокутаата Гаврил Алексеев хамаанда кыттыыллаахтарын кэлэн көрсөн, хас биирдиилэригэр өйдөбүнньүк бэлэх туттаран сүргэлэрэ көтөҕүлүннэ. Оттон хамаанда биир чилиэнин кэргэнэ, уоппускатыгар кэлэ сылдьар байыаннай дьайыы кыттыылааҕа олус истиҥ тыллардаах шариктары аҕалан туттаран, соһутта да, үөртэ да.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: