Хаартыска: СӨ Арасыыйа социальнай пуондатын отделениетын пресс-сулууспата
Үлэ кэмигэр эмсэҕэлээбит (производствоҕа) Саха сирин 4 киһитигэр саҥа Lada Granta массыына күлүүстэрин Арассыыйа социальнай пуондатын эрэгийиэннээҕи отделениетын управляющайа Марина Герман туттарда.
Биэдэмэстибэ пресс-сулууспата иһитиннэрбитинэн, массыына хаһаайыннарынан Дьокуускай куорат икки уонна Бүлүү, Таатта улуустарын олохтоохторо буоллулар. Тырааныспардар үлэ кэмигэр эмсэҕэлээһин түбэлтэтигэр уонна кэккэ ыарыылар түбэлтэлэригэр бэриллэр булгуччулаах социальнай страховка үбүн суотугар атыылаһылыннылар. Ону мэдиссиинэ көрдөрүүтэ баар уонна суоппардыыра бобуллубат страховкаламмыт дьоҥҥо биэрэллэр.
«Мин хайыы үйэ үһүс массыынабын ылабын. Өйөбүл бу көрүҥэ олус суолталаах. Тоҕо диэтэххэ, массыына күннээҕи дьыалаларга улахан көмөлөөх. Мин Саха сирин отделениетыгар олус махталлаахпын”, — диэтэ массыына ылааччылартан биирдэстэрэ Ульяна Софронова.
«Массыыналар бары хаһаайын тус уратытын учуоттаан оҥоһуллаллар. Массыынаны 7 сыл туһанаҕын, ол кэнниттэн атын массыынаҕа уларытаҕын. Онуоха эргэ массыына урукку хаһаайыныгар хаалар. Массыына туһаныллар кэмигэр социальнай пуонда отделениета массыына өрөмүөнүгэр массыына сыанатын 30%, оттук-оҕунуох матырыйаалын сорох ороскуотун уонна ОСАГО полис сууматын 50% уйунар», — диэтэ Марина Герман.
Сиһилии контакт-кииҥҥэ: 8-800-100-00-01 (босхо, үлэ күннэригэр 09.00-18.00 чч.) билсиэххэ сөп.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…