Үлэ киһиэхэ улахан суолталааҕын, киһини киһи быһыытынан оҥорор сыаннас буоларын, сааһыттан тутулуга суох өйдүүллэригэр быйылгы сылы Үлэ сылынан биллэрдим диэн эттэ Ил Дархан Айсен Николаев «Россия24» ханаалга быһа эпииргэ.
«Оҕолор, устудьуоннар үөрэхтэрэ эмиэ сыралаах үлэ буолар, ол инникитин кинилэр олохторун быһаарыа. Онтон саастаах эмэн дьон бэйэлэрин үлэлэрин уопуттарын ыччакка тириэрдиилэрэ, сиэннэрин, оҕолорун кытары дьарыктаналлара, көрөллөрө барыта эмиэ үлэ, улахан көмө буолар. Итини таһынан биһиги үлэ суолтатын үрдэтиэхтээхпит, бэйэтин харытын күүһүнэн үлэлээн ситиспитин биһиги киэн тутта тарҕатыахтаахпыт. Үлэһит аймах династията, Үлэ Албан аата, тэрилтэ бастыҥ үлэһитэ, оройуон, куорат, өрөспүүбүлүкэ киэн туттар үлэһит киһитэ диэн өйдөбүллэр киириэхтээхтэр. Итини биһиги бу сылга ситиһиэхпит диэн эрэнэбин. Хамнас араастаһыытын тэҥнээһин, холобур, ааспыт ыам ыйынааҕы хамнас үрдээһинин ыйааҕар киирбэтэх салаалары, үлэһит уонна үлэни биэрээччи сыһыаныгар кэллэктиип дуогабарын саҥаттан көрүөххэ наада. Ааспыт сыл ахсынньытыгар үс өрүттээх сөбүлэһиини үлэ тэрилтэлэрин, идэлээх сойууһу уонна СӨ Бырабыыталыстыбатын икки ардыгар хамыыһыйа тэриллэн үлэтин саҕалаабыта. Мин эрэнэбин, ыам ыйын 1 күнүгэр сөбүлэһиигэ илии баттаһылларыгар», – диэн эттэ Айсен Николаев.
Ил Дархан Айсен Николаев биһиги үлэни өрө туттахпытына эрэ элбэҕи ситиһиэхпит, ол курдук, дойдуга кыайыыны чугаһатарга, бэйэтин үлэтигэр үтүө түмүгү ситиһэргэ диэн тоһоҕолоон бэлиэтээтэ.
Билиҥҥи эриэккэс кэмҥэ дьиибэ турукка толугураһан олоробут. Тура-тура байар баҕабыт баһаам. Эмиэ да сөп ээ.…
Ленскэй улуус Пеледуй бөһүөлэгэр Өлүөнэ кытылыгар уу таһыма кутталлаах бэлиэни аһарбат. Ол туһунан Ленатааҕы уу…
Ыам ыйын сынньалаӊ күннэригэр Бээрийэҕэ субуотунньуктар буоллулар. [gallery ids="121612,121613,121614,121616"] Нэһилиэк олохтоохторо байыастар дьиэ кэргэттэригэр оттук…
Чокуур Гаврильев ырытыытын көрүҥ.
Саха Өрөспүүбүлүкэтин ыччат дьыалаларыгар уонна социальнай коммуникацияларга миниистир Петр Виталиевич Шамаев бүгүн, ыам ыйын 7…
Таатта улууһун Игидэй нэһилиэгиттэн төрүттээх, Дьокуускай куорат олохтооҕо Анна Григорьева айар үлэтинэн ыччаты патриоттуу тыыҥҥа…