Хаартыска: СИА
Ил Дархан Айсен Николаев олохтообут «Үлэ киһитэ» бириэмийэҕэ сайаапкалары хомуйуу саҕаланна. Бу бырайыак чэрчитинэн, өрөспүүбүлүкэ социальнай-экэнэмиичэскэй сайдыытыгар дьоһун кылааттарын киллэрбит 50 киһиэхэ сыл аайы 300 тыһыынча солкуобайдаах бириэмийэ туттарыллар.
Бириэмийэҕэ хандьыдааттары талыы үс түһүмэҕинэн ыытыллар.
Бастакы түһүмэххэ үлэ кэлэктииптэригэр бастыҥнарын талаллар. Салгыы иккис түһүмэххэ кулун тутар 1 күнүгэр диэри тэрилтэлэр тустаах министиэристибэлэргэ, биэдэмистибэлэргэ сайаапкалары түһэриэхтээхтэр. Холобур, урбаанньыттар Урбаан, атыы-эргиэн, туризм министиэристибэтигэр түһэриэхтэрин сөп.
Министиэристибэлэр уонна биэдэмистибэлэр киирбит сайаапкалартан бастыҥнары талан, Үлэ, социальнай сайдыы министиэристибэтигэр кулун тутар 20 күнүгэр диэри тиэрдэллэр. Үһүс түһүмэххэ анал хамыыһыйа үлэлээн, кыайыылаахтары быһаарар.
Бу бириэмийэни Саха сиригэр бастайааннай олорор дьон, саастарыттан уонна ыстаастарыттан тутулуга суох, ылар кыахтаахтар. Сүрүн ирдэбилинэн, үлэһит сыл түмүгүнэн үлэҕэ үрдүк көрдөрүүлээх, айымньылаах көрүүлээх, идиэйэлээх, саҥаны киллэриилээх, уопуттаах, эдэр исписэлиистэргэ настаабынньык быһыытынан көмөлөһөр буолуохтаах.
Сиһилии иһитиннэриини бу сигэнэн киирэн билсиҥ: https://mintrud.sakha.gov.ru/sotsialnoe-partnerstvo4/Premiya-
Бүгүн, ахсынньы 8 күнүгэр, Дьокуускай куоракка былааннаммыт суһал өрөмүөн үлэлэрэ ыытыллалларынан, сорох аадырыстарга быстах кэмҥэ…
Бэнидиэнньиккэ, ахсынньы 8 күнүгэр, Сир магнитосферата бигэ туруга суох. Бу күн магнитнай буурҕа буолар сабаҕалааһына…
Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох…
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…