Хаартыска: үлэ, социальнай сайдыы министиэристибэтэ
2025 сыл кулун тутар 1 күнүгэр диэри «Үлэ киһитэ» бириэмийэҕэ сайаапкалары ылыы салҕанар. Бу туһунан Үлэ, социальнай сайдыы министиэристибэтэ иһитиннэрэр.
Бириэмийэҕэ Саха сиригэр олорор, үлэлиир дьон түһэриллэллэр. Сааһыгар, ыстааһыгар ирдэбил суох. Сайаапкалары салайааччыларга, кинилэр солбуйааччыларыгар түһэрбэттэр, арай, бааһынай хаһаайыстыбалар салайааччыларын түһэриэххэ сөп.
Бастыҥ үлэһиттэрин бириэмийэҕэ ханнык баҕарар тэрилтэ үлэ кэлэктиибэ түһэрэр.
Кулун тутар 1 күнүгэр диэри сайаапканы сыһыаннаах министиэристибэҕэ, биэдэмистибэҕэ ыытыллар. Урбаанньыттар, чааһынай тэрилтэлэр сайаапканы урбаан, туризм министиэристибэтигэр ыытыахтарын сөп. Ол кэнниттэн иккис түһүмэххэ министиэристибэлэр, биэдэмэстибэлэр киирбит сайаапкалары көрөн, кулун тутар 20 күнүгэр диэри бастыҥнары талан баран, Үлэ, социальнай сайдыы министиэристибэтигэр ыыталлар.
Үһүс түһүмэххэ бырабыыталыстыба анал хамыыһыйата киирбит сайаапкалартан «Үлэ киһитэ» бириэмийэ кыайыылаахтарын талар.
Бириэмийэни туттарыы ыам ыйын 1 күнүгэр — Үлэ, Эйэ, Маай бырааһынньыгар үөрүүлээх быһыыга-майгыга буолуоҕа. 50 бастыҥ үлэһиккэ Ил Дархан бириэмийэтэ — 300 тыһыынча солкуобай туттарыллыаҕа.
Арассыыйа бүддьүөтэ гражданнарга биэнсийэни эбии индексациялыырга бэлэм. Бу туһунан Судаарыстыбаннай Дуума социальнай бэлиитикэҕэ кэмитиэтин чилиэнэ…
Саха сиригэр ааспыт суукка иһигэр полицияҕа түөкүннээһин туһунан икки киһи тыллаабыт. Бу туһунан Саха сиринээҕи…
Ил Түмэн спикерэ Алексей Еремеев парламеҥҥа 11-с (уочараттаах) пленарнай мунньахха ыҥырар дьаһалга илии баттаата. Пленарнай…
СӨ Тыатын хаһаайыстыбатын уонна аска-үөлгэ бэлиитикэтин министиэристибэтэ ыыппыт агрономнар сүбэ мунньахтарыгар “Россельхозцентр” ФГБТ Саха сиринээҕи…
Бүгүн, тохсунньу 22 күнүгэр, күнүс 12 чааска Ленскэй оройуонун сэлиэнньэлэринэн пассажирдары таһар оптуобус суолтан туораата.…
Бүгүн Элбэх туһалаах сүбэ-ама баара, байыаннайдар төрөппүттэрин ыйытыыларыгар барытыгар хоруйдаатылар. Тустууктар ийэлэригэр, аймахтарыгар санааларын түһэрбэккэ,…