Хаартыска: СИА.
Муус устар 17 күнүгэр өрөспүүбүлүкэҕэ “Үлэ киһитэ” диэн бириэмийэҕэ номинаннары биллэрдилэр. Манна араас идэлээх, араас саастаах дьон киирдилэр.
Анаабыр улууһугар Социалистическай үлэ Дьоруойа Илья Спиридонов аатынан таба иитэр хаһаайыстыба табаһыта, 28 сыл уопуттаах Роман Туприны эмиэ киллэрдилэр.
Роман Туприн бу тэрилтэни 2019 сылтан салайар, аан бастаан 1991 сыллаахха үлэлии кэлбитэ. Бу хаһаайыстыба 14 тыһыынча табалаах, өрөспүүбүлүкэҕэ биир саамай бөдөҥнөрө. Роман Туприн 95 киһини, ол иһигэр 76 табаһыты (22 эдэр табаһыты) салайан үлэлэтэр диэн СИА суруйар.
Уопуттаах табаһыт салалтатынан хаһаайыстыба үрдүк көрдөрүүлэри ситиспитэ, туоруруммут сыалларын ситиһэр. 2019 сыллаахха тэрилтэ Саха сирин агробырамыысыланнай комплекс тэрилтэлэригэр ыыппыт куонкуруһугар “Бастыҥ табаны иитэр хаһаайыстыба” ааты ылбыта.
Кини салалтатынан хаһаайыстыбаҕа табаны өлөрөр сыах, тириини таҥастыыр, тигэр мастарыскыай тэриллибиттэрэ, ыстаадалары спутник сибээһинэн хааччыйбыттара.
Бастыҥ үлэһит дьону Дьокуускайга муус устар 28 күнүгэр чиэстиэхтэрэ. Бириэмийэ кыайыылаахтарыгар 300-түү тыһыынча солкуобайы туттарыахтара. Бу бириэмийэни Үлэ сылыгар Ил Дархан Айсен Николаев олохтообута.
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…