Салгыы
Үлэ киһитэ: Оператор үлэтэ болҕомтону эрэйэр

Үлэ киһитэ: Оператор үлэтэ болҕомтону эрэйэр

30.04.2024, 14:30
Хаартыска Петр Попов тус архыыбыттан
Бөлөххө киир:

Петр Попов Чурапчытааҕы ОДьКХ гаас хочуолунайын операторынан 30-ча сыл үлэлиир.

– 1995 сылтан тохтоло суох үлэлээн кэллим. Бастаан үлэҕэ киирэрбэр элиэктиригинэн саҕалаабытым. Онтон тэрилтэм газооператор идэтигэр үөрэттэрбитэ. Түөрт  симиэ­нэнэн төрдүө буолан үлэлиибит. Барыта – автоматика. Омос көрдөххө, кунуопканы баттыыр холку үлэ курдук. Кырдьык, ыраас эрээри, гааһы кытта үлэлиир буолан, эппиэтинэстээх. Гаас – чоҕу оттуу буолбатах, онон улахан болҕомтону эрэйэр. Прибордары кэтээн көрөбүт. Тыаһа-ууһа улахана сүрдээх. “Операторскай” дэнэр хос­тоохпут, онно тула өттө түннүк буолан, тэрилтэбит иһин-таһын көрө олоробут. Элбэх социальнай тэрилтэни итиинэн хааччыйыы: улуустааҕы дьаһалта, биэнсийэ пуондата, уһуйаан, балыыһа, бибилэтиэкэ, эргиэн киинэ, полиция дьиэтэ, икки – 2, биир – 3, икки 5 мэндиэмэннээх уонна 60-тахса кэтэх дьиэ – барыта биһиги эппиэтинэспитигэр, – диэн кэпсиир  Петр Попов.

… Кэпсэтэр кэммэр тыас-уус быыһыгар, төлөпүөн нөҥүө да буоллар, сэһэргэһээччим үлэлиир сирин харахпар ойуулаан көрбүтүм. 12 чаас буола-буола оператордар симиэ­нэлэрин солбуйсан биэрэллэр эбит. Эппиэтинэстээх үлэлээх киһи кылгас­тык кэпсэтээт, үлэтигэр тиэтэйбитэ.

+1
0
+1
0
+1
0
+1
0
+1
0
+1
0
+1
1
Бары сонуннар
Салгыы
16 июля
  • 23°C
  • Ощущается: 23°Влажность: 64% Скорость ветра: 4 м/с

Сообщить об опечатке

Текст, который будет отправлен нашим редакторам: