Ааптар хаартыскаҕа түһэриитэ
Быйыл Чурапчы нэһилиэгэ төрүттэмитэ 375 сыла. Бу бэлиэ даатаҕа аналлаах араас тэрээһиннэр былааннаахтык бара тураллар.
«Утум» Айыы кыһатын дьиэтин салайааччыта Анна Петрова уонна суруналыыс Наталья Захарова «Үлэ киһитэ үйэлэргэ кэпсэнэр» диэн бырайыак оҥорон, Чурапчы нэһилиэгин бочуоттаах гражданиннарын чиэстээһини саҕалаатылар.
Бастакынан ОДьКХ бэтэрээнэ, ССРС бочуоттаах донора Спартак Слепцов, СӨ үөрэхтээһинин Бочуоттаах бэтэрээнэ, РСФСР үөрэҕириитин туйгуна Зинаида Захарова, ССРС потребительскай кооперациятын туйгуна Евдокия Лазарева чиэстэммиттэрэ.
Бу күннэргэ «Утум» дьиэтигэр өр сылларга производствоҕа, салайар үлэҕэ ситиһиилээхтик үлэлээбит Василий Попову уонна Гурий Монастыреву чиэстээтилэр.
Василий Попов оройуоннааҕы «Сельхозтехника» холбоһукка мэхээнньигинэн, салайааччынан, атын производственнай тэрилтэлэргэ салайааччынан, Гурий Монастырев оройуоҥҥа бастакы промышленнай тэрилтэҕэ — промкомбинакка столярынан, мэхээнньигинэн, салайааччынан үлэлээбиттэрэ.
Кинилэри Чурапчы нэһилиэгин дьаһалтатыттан нэһилиэнньэни кытары үлэлээһини сүрүннүүр исписэлиис Мария Матвеева, улуустааҕы бэтэрээннэр сэбиэттэрин бэрэссэдээтэлэ Мотрена Матвеева, уо.д.а. үөрэн-көтөн туран истиҥник эҕэрдэлээтилэр.
Чиэстэммиттэр бу истиҥ тэрээһини оҥорбуттарга махтаннылар, үлэлээбит кэмнэриттэн ахтан-санаан аастылар. Ыччаты үлэнэн иитиигэ санааларын үллэстибиттэрин, эдэрдэр болҕойон иһиттилэр.
Алексей Слепцов,
Чурапчы.
Анал байыаннай дьайыы кыттыылааҕа уонна «Саха сирэ – Дьоруойдар дойдулара» эрэгийиэннээҕи каадыр бырагырааматын кыттыылааҕа Тит…
Суукка иһигэр Дьокуускайга биэс суол саахала буолбут, ол түмүгэр икки киһи тыына быстыбытын туһунан ГАИ…
Москваҕа Арассыыйа Федерациятын Судаарыстыбаннай сэбиэтин «Энергетика» салаатыгар хамыыһыйа мунньаҕа буолла. Мунньаҕы хамыыһыйа салайааччыта – Саха…
Бүгүн Саха сириттэн байыаннай дьайыы буола турар сиригэр байыастарга тиэхиньикэ саппаастарын, гуманитарнай көмөнү уонна сэргэни…
Бүгүн Чурапчы улууһугар оскуоланы кыһыл уонна үрүҥ көмүс мэтээлинэн бүтэрбит 17 выпускнигы чиэстээтилэр. Кыһыл көмүс…
Дьокуускайга полиция 2-с №-дээх отделыгар олохтоох дьахтар кыһыл көмүс киэргэллэрин уордарбытын туһунан иһитиннэрбит. Кини кыбартыыратыттан…