Андрей Сорокин (СИА) хаартыскаҕа түһэриитэ
Дойду Бэрэсидьиэнэ Владимир Путин Федеральнай Мунньахха туһаайбыт этиитигэр айар-тутар урбаанньыттарга өйөбүл оҥоруу наадатын бэлиэтээтэ.
Ол курдук, «кластердарга үлэлиир урбаанньыттарга нолуокка чэпчэтиилэрин биэрэн, атахтарыгар туралларыгар көмөлөһүөххэ» диэн этиитэ урбаан сайдарыгар төһүү өйөбүл буолара чахчы. Бу туһунан “Саха сирэ” Уһук Илин уонна Арктика сайдыытын корпорацията” ХЭУо дириэктэрэ Дмитрий Борисов санаатын маннык үллэһиннэ:
— Арассыыйа бэрэсидьиэнэ «чааһынай биисинэс түргэнник уларыйар олох тэтимигэр үөрэннэ, араас кэскиллээх толкуйдары, бырайыактары олоххо киллэриитэ тэтимирдэ. Онон хас биирдии дойду сайдыытыгар туһалыан сөптөөх дьыалабыай көҕүлээһин өйөбүлүнэн туһаныахтаах» диэн этиитин кэрэхсии ылынным. Соторутааҕыта «креативнай индустрия» дэнэр «Үлэ кыбартаала» кластерга киинэ, анимация, медиа, сыыппара контена уонна дизайн курдук аныгы хайысхаҕа үлэлиир урбаанньыттар үлэлэрин саҕалаатылар. Бүгүҥҥү күҥҥэ 70 резидени кытта бииргэ үлэлээһин сөбүлэҥин түһэристибит. Кластер бары үлэлиир офистара хайысхаларынан аттарыллан үлэлии тураллар. Ол курдук, манна аныгы технологиянан хааччыллыбыт тэриллэр, хромакей павильона, өҥү коррекциялыыр устуудьуйа, мастеринг, 3Д-анимация XR аныгы технология көрүҥүнэн үлэлиир виртуальнай киинэни устар устуудьуйа уо. д.а. аныгы үйэҕэ эппиэттиир бырайыактары олоххо киллэрии бара турар. Кластер, маны таһынан, лиэксийэлэри, дьыалабыай кэпсэтиилэри, быыстапкалары, кэмпириэнсийэлэри, кэнсиэрдэри ыытар анал саалалардаах. Креативнай индустрия эйгэтин сайыннарар технопаарканы РФ Уһук Илин уонна Арктика сайдыыларын министиэристибэтэ өйүүр.
Кластер резиденнэригэр кэккэ чэпчэтии көрүллэр. «Үлэ кыбартаала» кластер «Саха сирэ” Уһук Илин уонна Арктика сайдыытын корпорацията” ХЭУо тэрилтэҕэ киирсэр буолан, урбаанньыттар Урутаан сайдыы сирин-уотун (ТОР) резиденэ статуһу ылар докумуону хомуйсан саҕалаатылар.
Онон РФ Бэрэсидьиэнин туһаайыытыгар бэлиэтээбитин курдук, «Үлэ кыбартаала» курдук кластердар дьоҕус биисинэскэ үлэлиир урбаанныттары бииргэ түмэн, судаарыстыбаны кытта бииргэ үлэлээһиҥҥэ далаһанан буолаллар.
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…