“Үлэ кыбартаала” курдук кластердар атын эрэгийиэннэргэ эмиэ аһыллыахтара

“Уһук Илиҥҥэ оҥоһуллубут” креативнай индустриялар пуорумнарын былаһааккаларыгар Уһук Илин федеральнай уокуругун 11 эрэгийиэниттэн худуоһунньуктар, маастардар уонна урбаанньыттар кытталлар.

Бүгүн, ыам ыйын 29 күнүгэр, пуорум аһыллыытыгар быыстапкаларга Уһук Илиҥҥэ РФ бэрэсидьиэнин боломуочуйалаах бэрэстэбиитэлэ Юрий Трутнев, Уһук Илин уонна Арктика сайдыытын  миниистирэ Алексей Чекунков уонна Ил Дархан Айсен Николаев кытыннылар.

Алексей Чекунов  креативнай экэниэмикэ Уһук Илин экэниэмикэтин дьлоһуннаах пластом буоларын бэлиэтээтэ.

Кини: «Маастар-былааннары олоххо киллэрии чэрчитинэн  креативнай экэниэмикэ сайдыытыгар элбэх көрүллэр. Чуолаан,  Дьокуускай куоракка Үлэ Кыбартаалын курдук кластердары оҥоруу. Кластердар Благовещенскайга, Владивостокка, Улан-Удэҕэ  арыллыахтаахтар.  Петропавловскай-Камчатскайга мусуой саҥа комплекстара тэриллэлэр, Уһук Илин 3 куоратыгар тыйаатыр үрдүк үөрэҕин кыһалара арыллаллар”, — диэн кэпсээтэ.

«Саха сирэ – Уһук Илиҥҥэ уонна дойдуга барытыгар креативнай экэниэмикэ лиидэрэ. Креативнай индустриялар пуорумнарыгар икки тыһыынча кэриҥэ киһи уопут атастаһа кэлбитэ улахан суолталаах. Арассыыйаҕа ылыллыбыт креативнай экэниэмикэ туһунан сокуон үлэтэ саҕаланыахтаах. Дойдуттан барытыттан бачча элбэх айымньылаах уонна интэриэһинэй дьон кэлбититтэн олус үөрдүм. Бу Уһук Илиҥҥэ креативнай индустрия сайдарыгар күүстээх тэтими биэриэҕэ”, — диэтэ Айсен Николаев.

(Н.Пахомова, СИА суруйуутуттан)