Андрей Сорокин хаартыската, СИА.
Ааспыт сыл түмүгүнэн, Уһук Илиҥҥэ бастакы “Үлэ кыбартаала” креативнай кластер резиденнэрин харчынан киллэриилэрин кээмэйэ 1 миллиарды аһарда. Креативнай индустриялары сайыннарыы эрэгийиэҥҥэ биир сүрүн хайысханан буолар.
«Билигин Үлэ кыбартаалын резиденэрэ 279 оробуочай миэстэни таһаардылар. 2024 сыл түмүгүнэн биһиги резиденнэрбит харчынан киллэриилэрэ биир миллиартан таҕыста. Манна улахан да, дьоҕус да тэрилтэлэр үлэлииллэр. Анимация уонна киинэ эйгэлэрэ элбэх сууманы киллэрэллэр”, — диэн Үлэ кыбартаалын дириэктэрин бастакы солбуйааччы Саргылаана Аргунова иһитиннэрдэ.
Уһук Илини уонна Арктиканы сайыннарыы миниистирэ Алексей Чекунков бэлиэтээн эппитинэн, Саха сиринээҕи Үлэ кыбартаала атын элбэх эрэгийиэҥҥэ холобурунан буолла. Ол курдук, Владивостокка, Улан Удэҕэ, Петропавловскай-Камчаткаҕа уонна Благовещенскайга креативнай класстердар арыллаллара былааннанар. Кластердар Арассыыйа бэрэсидьиэнэ Владимир Путин көҕүлээбит Уһук Илин куораттарын маастар-былааннарын чэрчитинэн тэриллэллэр.
Норуоттар икки ардыларынааҕы II пуорум чэрчитинэн ыытыллыбыт «Креативные индустрии. Преференциальные режимы» сиэссийэҕэ креативнай индустрияларга ТОР (урутаан сайдар сир-уот) дьоһун суолталаах боппуруостарын дьүүллэстилэр.
Санатан эттэххэ, Саха сирэ Арассыыйаҕа креативнай индустриялары сайыннарыы кэнсиэпсийэтин бигэргэппит бастакы эрэгийиэнинэн буолар. Үлэ кыбартаала Арассыыйаҕа креативнай бырайыактарга анаан тэриллибит ТОР бастакы былаһааккатынан буолар.
Владимир Прокопьев, олохтоох бэйэни салайыныыга Ил Түмэн бастайааннай кэмитиэтин бэрэссэдээтэлэ: --Төрүт Сокуоҥҥа уларытыылар киириэх буолбуттара…
Дойду билимин уонна үрдүк үөрэҕин министиэристибэтэ тустаах министиэристибэ иһинэн үлэлиир үрдүк үөрэх кыһаларыгар 2026 сылга…
Судаарыстыбаннай Мунньах (Ил Түмэн) XIV (уочараттаах) пленарнай мунньаҕар бүтэһик ааҕыыга “О внесении изменений и дополнений…
Саха киһитигэр былыр-былыргыттан муҥхаҕа сылдьыы бэйэтэ бырааһынньык. Таастаах олохтоохторо ааспыт өрөбүлгэ Чаакыйа күөлгэ муус аннынан…
Ил Түмэн спикерэ Алексей Еремеев: -Бүгүн Төрүт Сокуоҥҥа саамай наадалаах кэмҥэ биһиги кэскилбит түстүүр уларытыылар…
Мииринэйгэ байыаннай дьайыы бэтэрээннэрэ "Ийэлэр, аҕалар - маладьыастар!" диэн билиини-көрүүнү тургутар дьиэ кэргэн викторинатыгар кыттан…