Хаартыска: pxhere.com
«Здоровое Отечество» уопсастыбаннай хамсааһын бэрэссэдээтэлэ Екатерина Лещинская премьер-миниистир Михаил Мишустиҥҥа үлэ миэстэтигэр табахтааһын иһин административнай эппиэтинэһи 10 төгүл улаатыннарар туһунан этиини ыытта, докумуон РИА Новости таҕыста.
Хамсааһын активистара уонна дойду үрдүнэн олохтоохтор офистарга, оҥорон таһаарар дьиэлэргэ, көрүдүөргэ, санитарнай зоналарга уонна сулууспалыыр сирдэргэ табахтыыр түбэлтэлэрин мэлдьи бэлиэтииллэр. Ордук вейптэри туһаныы киэҥник тарҕаммыт. Ити барыта мөккүөрдээх түгэннэри таһаарар, үлэ санитарнай-гигиеническай усулуобуйатын мөлтөтөр, аллергияттан, туруктара мөлтүүрүттэн уонна үлэ эбээһинэстэрин толору толорор кыахтара суоҕуттан үҥсэргээһиннэри таһаарар.
«Бүтүн Арассыыйатааҕы «Здоровое Отечество» уопсастыбаннай хамсааһын үлэ миэстэтигэр табахтааһыҥҥа, ол иһигэр вейптэри туһаныыга административнай эппиэтинэһи кытаатыннарар боппуруоһу үөрэтэргэ көрдөстө», — диэн докумуоҥҥа этиллэр. Этиигэ бэлиэтэнэринэн, бобуллубут сирдэргэ табахтааһын иһин 500-1500 солк. кээмэйдээх ыстарааптар тохтотор күүс буолбаттар. Ону таһынан, үлэни биэрээччилэр эбии дисциплинарнай дьаһаллары аҕыйахтык туһаналлар, оттон баар хонтуруоллуур мэхэньииһимнэр үлэлээбэттэр. Онон сибээстээн, хамсааһын табахтааһын иһин ыстараабы 10 төгүл улаатыннаран, физическэй сирэйдэргэ 5000-15000 солкуобайга диэри тиэрдэри, систиэмэлээх кэһиилэр баар буоллахтарына үлэ миэстэтигэр табахтыыры бобууну хааччыйбат үлэни биэрээччилэргэ үрдэтиллибит эппиэтинэһи олохтууру, ону таһынан үлэ иниспиэксийэлэрин уонна Роспотребнадзор кэһиилэри бэлиэтиир уонна тохтотор боломуочуйаларын кэҥэтэри көрөргө этии киллэрэр. Ону таһынан «Здоровое Отечество» Госдуумаҕа Үлэҕэ кэмитиэтин баһылыгар Ярослав Ниловка уонна доруобуйа харыстабылыгар кэмитиэтин баһылыгар Сергей Леоновка хамсааһын этиилэрин өйүүргэ көрдөһүү суругу ыытта.
«Табахтааһын иһин эппиэтинэһи күүһүрдүү — доруобуйа харыстабылын уонна санитарнай куттал суох буолуутун боппуруоһа эрэ буолбатах, ону таһынан гражданнар доруобуйаларын харыстыыр, үлэ оҥорон таһаарыытын үрдэтэр, корпоративнай култуураны бөҕөргөтөр уонна идэтийбит мөккүөрдэри тохтотор суолталаах төрүөт буолар диэн эрэнэбит», — диэн Лещинская бэлиэтээтэ.
Сэтинньи 21 күнүгэр, бээтинсэҕэ, Таилаҥҥа «Мисс Вселенная - 2025» норуоттар икки ардыларынааҕы Кэрэ куо күрэҕин…
Хаҥалас улууһугар полицияҕа олохтоох дьахтар чааһынай дьиэтин таһыгар турбут массыынатын күрэппиттэрин туһунан сайабылыанньа суруйбут. Бу…
РФ Бырабыыталыстыбата чэпчэтиилээх субсидиялаах билиэттэр ороскуотун толуйууга өссө эбии 300 мөлүйүөнтэн тахса солкуобайы ыытыаҕа. Ити…
Бүгүн, сэтинньи 20 күнүгэр, Смарт-бибилэтиэкэҕэ Дьокуускай куорат төрүт олохтооҕо, биллиилээх учуонай Пантелеймон Егоров “Биһиги эдэр…
ХИФУ, ЧГИФКиС уонна АГАТУ хамаандалара Уфа куоракка устудьуоннарга аналлаах мас-рестлиҥҥэ Бүтүн Арассыыйатааҕы турнирга кытта барыахтара.…
Дьокуускайга «Эпос аан дойдутааҕы энциклопедистика контекстыгар» диэн норуоттар икки ардыларынааҕы научнай кэмпириэнсийэ үлэтин саҕалаата. 6…