Үлэ министиэристибэтэ Бочуоттаах настаабынньык аатын иҥэриигэ сайаапка ылар  

Саха Өрөспүүбүлүкэтин үлэҕэ уонна социальнай сайдыыга министиэристибэтэ “Саха  Өрөспүүбүлүкэтин Бочуоттаах настаабынньыга” бэлиэнэн наҕараадалыырга сайаапкалары олунньу 28 күнүгэр диэри ылар.

Бэлиэ Саха сирин Ил Дарханын ыйааҕынан үлэ кэлэктииптэригэр настаабынньыктааһыны өйүүргэ олохтоммута.

Быйылгыттан бу наҕараада баай уопуттарын  эдэр үлэһиттэри кытта үллэстибит, бэйэлэрин үлэлэрин сайдыытыгар кылааты киллэрбит 10 үлэһиккэ ананыаҕа.

Туһааннаах бэлиэни ылар туһугар сүрүн ирдэбил – бу эйгэҕэ 15 сылтан итэҕэһэ суох үлэлээбит буолуохтаах.

Хандьыдааттары туруоруу бэрээдэгэ:

1. Кандидатураны кэлэктиипкэ көрөллөр. Онтон салайааччы уонна Идэлээх сойуус бэрэссэдээтэлэ илии баттааһыннаах хадатаайыстыба тустаах министиэристибэҕэ ыытыллар.
2. Сөбүлэһиннэрии кэнниттэн кэлэктиип докумуоннар толору бакыаттарын тустаах министиэристибэҕэ ыытар.
3. Салгыы хамыыһыйа киирбит хадатаайыстыбалары кулун тутар 31 күнүн аһарбакка көрүөхтээх.
4. Ыам ыйын 1 күнүгэр Үлэ бырааһынньыгар наҕараадалааһын буолар.

Ыйытар төлөпүөн: 8(4112)-508-076, 8(4112)-508-069

Балаһыанньаны бу сыылканан билсиҥ: https://mintrud.sakha.gov.ru/news/front/view/tag/informacziya+dlya+grazhdan/id/3480558

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата