сахагов
Арассыыйа Бэрэсидьиэнэ Владимир Путин быһаарыытынан элбэх оҕолоох ыаллар өссө элбэх өйөбүлү ыллылар. 2026 сылга дьиэ кэргэн нолуокка саҥа толуйуутун киллэриэхтэрэ.
Толуйууну киһиэхэ тиксэринэн олорорго 1,5 кээмэйдээх алын кээмэйи дохуоттара аһарбыт, икки уонна онтон элбэх оҕолоохтор ылыахтарын сөп.
“Улахан дьиэ кэргэни өйөөһүн – стратегическай суолталаах. Бу Арассыыйа норуотун инники кэскилэ. Онон бу эйгэҕэ демографическай, экэнэмиичэскэй, социальнай бэлиитикэ миэрэлэрин көдьүүстээхтик киллэриэхтээхпит”, — диэтэ Владимир Путин.
2025 сыл саҕаланыаҕыттан үһүс уонна онтон кэлэр оҕолорго нолуок вычета 6 тыһыынчаҕа диэри үрдээтэ. 2030 сылга диэри билигин төлүү сылдьар ипэтиэкэлэрин 450 тыһыынча солкуобайы устарга көмөлөһөр. Субсидияны 2019 сыл тохсунньу 1 күнүттэн 2030 сыл ахсынньы 31 күнүгэр диэри үһүс уонна онтон кэлэр оҕону төрөппүт эбэтэр ииппит дьиэ кэргэттэр ылаллар.
«Дойду уонна өрөспүүбүлүкэ салалтатын элбэх оҕолоох ыалларын өйүүллэрин иһин махтанабын”, — диэтэ “Ийэ албан аата” үһүс истиэпэннээх СӨ бэлиэтин хаһаайына, 7 оҕону төрөппүт уонна ииппит Нам улууһуттан Александра Кривошапкина.
2020 сылтан Саха сиригэр элбэх оҕолоох ыаллар ахсааннара 15%. элбээтэ. Бүгүн өрөспүүбүлүкэҕэ 34487 маннык ыал олорор. Саҥа төрөөбүт оҕолор 44% элбэх оҕолоох ыалларга төрүүр.
“Саха сирэ Уһук Илиҥҥэ дьиэ кэргэни өйүүргэ бастакы миэстэлээх уонна Арассыыйаҕа уон бастыҥ иһигэр киирэр. РФ Бэрэсидьиэнин иһинэн Стратегическай көҕүлээһиннэр агентстволарын кытта 160 тэрээһиннээх былааны торумнаатыбыт. Онно элбэх оҕолоох, эдэр уонна устудьуон ыаллары өйүүр миэрэлэр киирдилэр”, — диэтэ Айсен Николаев.
Өрөспүүбүлүкэҕэ “Дьиэ кэргэн” өрөспүүбүлүкэтээҕи ийэ хапытаала үһүс уонна онтон эбии күн сирин көрөр оҕолорго кээмэйэ икки төгүл улаатта. Бу билигин 316 тыһ. солк. тэҥнэһэр. Элбэх оҕолоох ыалларга сир учаастагын оннугар төлөбүр бэриллэр, ол 300 тыһ. солк. диэри улаатта. Ол курдук, 2024 сыл тохсунньу 1 күнүттэн эдэрдэр ыал буоллахтарына биир кэмнээх 50 тыһ. солк. ылаллар.
“Быйыл социальнай өйөбүл миэрэтинэн 22 тыһыынча элбэх оҕолоох ыал хабылынна”, — диэтэ миниистири солбуйааччы Елена Теплякова.
РФ Бырабыыталыстыбата Судаарыстыбаннай Дуума көрүүтүгэр байыаннай сулууспалаахтар уонна Ис дьыала уорганнарын үлэһиттэрин сорох категорияларыгар булгуччулаах…
Ааспыт нэдиэлэҕэ Дьокуускай куоракка Суорун Омоллоон аатынан опера уонна балет тыйаатырыгар сунтаардар улуу киһибит Сэргэй…
Тохсунньу 21 күнүгэр Ленскэй оройуонун суута олохтоох дьахтар бириигэбэрин таһаарда. Кини РФ Холуобунай кодексатын (ХК)…
Хаҥалас улууһугар бииргэ олорбуттарын 50 сылын бэлиэтээбит икки ыалы – Галибаровтары уонна Адамовтары чиэстээтилэр. Бу…
Тохсунньу 24 күнүгэр Аллараа Бэстээх бөһүөлэгэр «Парус» успуорт уораҕайыгар Мэҥэ нэһилиэгин баһылыгын Ньургун Габышев бирииһигэр…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…