СӨ Үлэ министиэристибэтин үлэһиттэрэ байыаннай чаастарга тиийэн, Саха сириттэн тиийэр дьон дааннайдарын хомуйуунан дьарыктаныахтара. Бу туһунан алтынньы 21 күнүгэр ыытыллыбыт брифиҥҥэ СӨ Бырабыыталыстыба бэрэссэдээтэлин солбуйааччы Ольга Балабкина иһитиннэрдэ.
Хомуурга хапсан, хантараак түһэрсэн анал байыаннай эппэрээссийэҕэ барбыт дойдулаахтарбыт дьонноро “Мои документы” МФЦ нөҥүө сайаапка түһэрэн, биир кэмнээх көмө үбү ылан эрэллэр.
“Сорох сайаапка түһэрбиттэргэ, ыҥырыллыбыт киһи байыаннай чааска тиийэн учуокка турарын кэтэһэллэригэр көрдөһөллөр. Ол иһин, бигэргэтии үлэтин төһө кыалларынан түргэнник ыытар сыалтан, Үлэ уонна социальнай сайдыы министиэристибэтин үлэһиттэрэ байыаннай чаастарга командировкаҕа сылдьаллар. Оччотугар Айсен Николаев таһаарбыт ыйааҕын толоруу кэмигэр оҥоһуллан иһиэҕэ», — диэн Ольга Валерьевна.
Ону таһынан, кини байыаннайдар төрөппүттэригэр санаторийга эмтэниигэ көмөнү оҥоруу хайдах быһыылаахтык ыытылларын быһаарда. Бу эмиэ Ил Дархан ыйааҕар ыйыллыбыт өйөбүл. “Бу өйөбүл чэрчитинэн эмтэниигэ путевка сыанатын 60 тыһ.солк. диэри толуйабыт. Эбэтэр 48 тыһ.солк абаанса быһыытынан угабыт уонна кэнники 60 тыһ.солк. диэри компенсация төлөнөр. Санаторнай-курортнай эмтэниигэ мэдиссиинэ тэрилтэлэриттэн направление ирдэнэр”.
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…