Үлэ нэдиэлэтэ магнитнай буурҕаттан саҕаланна

Саҥа алта күннээх үлэ нэдиэлэтэ төбө ыарыытыттан саҕаланна. Бүгүн  күүстээх магнитнай буурҕа билгэлэнэр. Күн эстиилэрин дьайыыларын бу күн устата уонна алтынньы 30 күнүгэр билиэхпит.

Ааспыт нэдиэлэҕэ күҥҥэ улахан эстиилэр буолан, бу күн устата буурҕа геомагнитнай дьайыыта үүрдүүр. Ол курдук, РНА Күн-Сир физикатын институтун Күн астрономиятын лабораториятын  иһитиннэриитинэн алтынньы 26 күнүгэр күҥҥэ ордук күүстээх эстиилэр буолбуттара. Ити сэттэ эстииттэн саамай күүстээҕинэн X1.8.кыамталаах буолар. Бүгүн геомагнитнай буурҕа кыамтата 5 бааллаах. Күн иккис аҥаарыгар кыамтата 4 баалга диэри намтыаҕа, оттон киэһэлик уонна алтынньы 30 күнүгэр 2 баалга диэри тиийиэҕэ.

Магнитнай буурҕа киһи төбөтүн ыарытыннарар, хаан баттааһынын үрдэтэр, хроническай ыарыылары күүһүрдэр уонна киһи утуйбат буоларыгар тиэрдэр. Бу кэмҥэ күүтүллүбэтэх сирдэринэн дьүкээбил көстүүлэрэ элбиир.