Хаартыска: куйаар аһаҕас ситимиттэн
Үлэ, Эйэ, Сомоҕолоһуу күнүгэр 2025 сылтан РФ Үлэ Кодексатыгар олоххо киирбит саҥа уларыйыылары кытта билиһиннэрэбит. Тускутугар туһаныҥ.
365-ФЗ №дээх федеральнай сокуонунан бу сыл тохсунньу 1 күнүттэн хамнас муҥутуур алын кэмээйэ 16,6%-нан үрдээбитэ уонна дойду үрдүнэн бүддьүөт үлэһиттэригэр 22 440 солк. тэҥнэһэр. Бу ыйдарга тэрилтэлэргэ үлэһиттэр хамнастарын хамнас алын кээмэйигэр сөп түбэһиннэрэн уларытыахтара уонна орто хамнаска олоҕуран, больничнай илиистэри киллэрэн туран, хамнас төлөбүрүгэр перерасчет ааҕыахтара.
Былырыын РФ Үлэ Кодексатын 284 ыстатыйатынан солбуйааччылар үлэ чааһыгар 4 чаастан ордук үлэлииллэрэ хааччахтанар буолара уонна ыйдааҕы нуорматын аҥаарын куоһарыа суохтаах диэн ирдэнэрэ. Саҥа киирбит уларыйыыларынан бу сылтан солбуйар үлэһиттэргэ үлэ бириэмэтин уһуна хааччахтаммат буолла. Холобур, бу ыйыллыбыт уларыйыылар бырабыыталыстыбанан олохтонор анал экээнэмиичэскэй тэрээһиннэрин киллэриитин кэмигэр үлэлиир.
470 №-дээх федеральнай сокуонунан тэрилтэлэринэн салайааччылар уонна отделлар салайааччыларын статустара чуолкайданна. Билигин сокуон ирдэбилинэн салайааччылары, кинилэр солбуйааччыларын, кылаабынай буҕаалтырдары, ону сэргэ филиаллар уонна бэрэстэбиитэлистибэлэр салайааччыларын кытта срочнай үлэ дуогабардара түһэрсиллэллэр. Саҥа киирбит быраабыланан срочнай үлэ дуогабарыгар икки өрүттэр сөбүлэһиилэринэн болдьоҕо суох эбэтэр тустаах болдьоҕо ыйыллан илии баттанар.
2025 с. кулун тутар 1 күнүттэн федеральнай сокуонунан уһуйааччыларга (наставниктарга) анал төлөбүр көрүллэр. Сокуон ирдэбилинэн уһуйааччыга эбии үлэ нуормата үлэһит сөбүлэһиитинэн эбиллэр; уһуйааччы үлэтэ үлэ дуогабарыгар ыйыллар; уһуйааччы үлэтин болдьоҕун иннинэ тохтоторго эбии быраап көрүллэр; уһуйааччыларга төлөбүр кээмэйэ тэрилтэ иһинэн аахталарынан уонна кэлэктиип дуогабарынан олохтонор.
Быйылгыттан биир кэлим нуормаларынан үлэ биэрээччилэр үлэһиттэрин анал харыстыыр уонна суунар сириэстэбэлиринэн хааччыйыахтаахтар. Биир кэлим нуормалар Үлэ министиэристибэтин 766н №-дээх бирикээһинэн бигэргэммитэ.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…