Хаартыска: Ил Дархан телеграмыттан.
РФ Үөрэҕириитин миниистирэ Сергей Кравцов, Ил Дархан Айсен Николаев Дьокуускайдааҕы кадетскай оскуоланы сэргэ, аны күһүҥҥүттэн үлэҕэ киириэхтээх Дьокуускайдааҕы саха политиэхиньиичэскэй лиссиэй саҥа куорпуһун тутуутун көрдүлэр-иһиттилэр.
Суруналыыстар ыйытыыларыгар хоруйдууругар миниистир тустаах оскуола үчүгэй хааччыллыылааҕын, аныгы тэриллээҕин уонна “Мин бастакы идэм” суолталаах бырайыак буоларын ыйда. “Үрдүкү кылаас үөрэнээччилэрэ үөрэххэ киирэллэригэр номнуо оробуочай исписээлинэстээх буолаллар. Саха сирин бу уопутун атын эрэгийиэннэргэ кэпсиэххэ сөп” — диэн Сергей Кравцов эттэ.
Ил Дархан Айсен Николаев “Үөрэхтээһин” национальнай бырайыак баар буолан уонунан оскуола, уһуйаан тутуллубутун, сүүһүнэн дьиэ өрөмүөннэммитин бэлиэтээтэ.
“Биһиги бүгүн салгыы үлэлиир былааннарбытын уонна саҥа уһуйааннар, оскуолалар тутууларын кубуотатын ырытыстыбыт. Өрөспүүбүлүкэҕэ орто анал үөрэхтээһин күүскэ сайдар. Үс кэллиэс “Профессионалитет” бырагыраамаҕа хапсан үлэлиир.
Ону тэҥэ, Дьокуускайга төрөөбүт тыл киинин чөл хаалларар, сайыннарар туһунан, саҥа бырагыраама оҥоһуллуутун кэпсэттибит. Бу төрүт култуураны, тылы өйөөһүҥҥэ дойдуга да, өрөспүүбүлүкэҕэ даҕаны улахан суолталаах хайысха” – диэн дойду миниистирэ эттэ.
Ил Дархан Дьокуускай куорат оскуолаларыгар салҕааһыннары тутуу үчүгэй холобур буолар диэн ыйда. “Салҕааһыны сэргэ оскуолалар эрдэтээҥҥи тутууларыгар хапытаалынай өрөмүөн барар. Бу ордук көдьүүһү биэрэр. Биһиэхэ ити курдук Хатас оскуолата оҥоһуллубута, бүгүн Саха политиэхиньиичэскэй лиссиэйин көрдүбүт. Биллэн турар, Дьокуускай куорат маастар-былаанынан үөрэх эбийиэктэрин чааһын көрдүбүт, тустаах боппуруос Бэрэсидьиэн хонтуруолугар турар. Дойду Үөрэҕириитин министиэристибэтин өйөбүлүнэн, Дьокуускай куорат оскуолалара туолан турууларын кыһалҕатын (переполненность) быһаарыыны көрөбүт” – диэн эттэ.
Бүгүн миниистиргэ презентация быһыытынан билиһиннэрбит, ол иһигэр тэйиччиттэн үөрэхтээһиҥҥэ, педагогтары бэлэмнээһиҥҥэ, “Мин бастакы идэм” бырагыраама салгыы сайдыытыгар этиллибит этиилэр сайдалларыгар эрэллээҕин биллэрдэ.
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…
Маннык тэттик сүбэлэри тутустаххына, настарыанньалаах, үөрэ-көтө сылдьыаҥ, кыраттан иҥнэн-бохтон туруоҥ суоҕа. Сэниэлээх, күүстээх-уохтаах буолуоҥ. -бэйэҕин…