Билигин дьон бэйэлэригэр туохха дьоҕурдаахтарынан сатабылларын сайыннарар кэмнэрэ. Сунтаар олохтооҕо Александр Федоров маһынан уһаммыта 10-тан тахса сыл буолла.
Таһырдьа 50 кыраадыс тымныы. Оттон мас ууһа Александр Федоров сып-сылаас мастарыскыайыгар миэбэл арааһын оҥорор. Кини сахалыы матыыптаахтары эрэ буолбакка, маҕаһыыҥҥа атыыланар аныгы миэбэллэртэн уратыта суохтук айан таһаарар. Үлэ киһини киэргэтэр дииллэринии, биир да күнү өрөөбөккө маһы ыллатан, биһиги дьоруойбут хас биирдии күнэ туһалаах, ураты уонна айымньылаах.
Оҥоһуллан, таҥыллан, бэлэм буолбут миэбэли көрөр олус үчүгэй диир. Оннук бөҕө буоллаҕа. Бэйэҥ эт илиигинэн айан-тутан таһаарыы, үлэҥ түмүгүн көрүү үрдүк үөрүү. Уус киһи Кэмпэндээйи маһын ордорон туттар.
Дьиэ иһигэр киирдэххэ, хаһаайын уус буолара тута харахха быраҕыллар. Аһыыр хоско бытовой техникаттан ураты барыта бэйэ оҥоһук. Дьиэлэрин туттан киирэллэригэр «Тутууга аныгы ньыманы олоххо киллэрии» диэн баһылык гранын ылан турардаах. Онон санаттан саҥа үлэлэри ылсан ууһун мэлдьи сайыннара, тупсара турар.
Бу курдук Үлэ сылыгар уус киһи үлэтин таһыма үрдүү, айымньыта кэҥии турдун!
Ньургуяна Харчасова, Сунтаар
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…