Саха сирин Суруйааччыларын сойууһа Үлэ сылыгар ааҕааччылары кытта көрсүһүүлэри тэрийэргэ быйыл күүстээх үлэ ыытар былааннаах. Ааҕааччыга суруйааччы бэйэтэ тиийэн, утарыта көрсөн, атах тэпсэн олорон кэпсэтэрэ олус наадалаах. Оттон суруйааччыга саҥа идиэйэлэр үөскүүллэр, саҥа санаалар саҕыллаллар, дьону кытары кэпсэтэн-ипсэтэн, айымньыларын ааҕан, этэргэ дылы, “тыынын таһаарар”, күүс-уох ылар.
Онон билиҥҥитэ сойуус бырабылыанньата үлэ кэлэктииптэригэр көрсүһүүлэри тэрийии былаанын оҥоро сылдьар. Дьокуускайга, улуустарга көрсүһүүлэр буолаллара былааннанар. Оҥорон таһаарыы бөдөҥ тэрилтэлэрин, тыа сиригэр оскуолалар, тыа хаһаайыстыбатын тэрилтэлэрин кэлэктииптэригэр, үлэ дьонун кытта көрсүһүүлэр — саха суруйааччыларын үтүө үгэстэрэ.
Үлэ сылын бастакы көрсүһүүтүн норуодунай поэт Наталья Ивановна Харлампьева Хаҥалас улууһун Мохсоҕоллооҕор “Якутцемент” кэлэктиибигэр ыытта. Көрсүһүүгэ собуот 60-тан тахса үлэһитэ уонна Мохсоҕоллоох бибилэтиэкэтигэр үлэлиир кинигэни таптааччылар кулууптарын чилиэннэрэ сырыттылар.
Собуот дириэктэрэ Алиш Мамедов норуодунай поэт кинигэлэрин атыылаһан ылан, ааҕааччыларга бэлэх уунна. Көрсүһүү тэрээһинигэр Хаҥалас улууһун Дьокуускай куораттааҕы биир дойдулаахтар түмсүүлэрин салайааччылара Афанасий Владимиров уонна Николай Макаров кытыннылар.
Мохсоҕоллоох бибилэтиэкэтин үлэһиттэрэ Наталья Ивановна айар үлэтин туһунан быыстапканы тэрийбиттэр. Поэкка айар үлэтин туһунан элбэх ыйытыы киирдэ, истиҥ-иһирэх кэпсэтии буолла. Ааҕааччылар кинигэҕэ ааптарга илии баттатан, элбэҕи билэн-көрөн, кэпсэтэн, астынан тарҕастылар.
Бу ааспыт сыл Саха сирин Суруйааччыларын сойууһун бэрэссэдээтэлэ, норуодунай поэт Наталья Харлампьева үбүлүөйүн бэлиэтээбитэ, улуустарынан сылдьан, ааҕааччылары кытары көрсүһүүлэри тэрийбитэ, хас да кинигэтин бэчээттэппитэ.
Саҥа дьыллааҕы бырааһынньыктар чугаһаабыттарынан түөкүттэр куйаар ситимигэр дьону албынныыллара эмиэ саҕаланна. Кинилэр биир ньымаларынан «Кистэлэҥ…
Арассыыйаҕа үүнэр сыл олунньу 1 күнүттэн биир дьиэ кэргэҥҥэ биир эрэ чэпчэтиилээх кирэдьиити биэрэр хааччах…
Ахсынньы 19 күнүгэр прокакка тахсыбыт «Тооку уонна Чысхаан» толору метражтаах ойуулук киинэ дьон сэҥээриитин ылла…
Марфа, Сергей Расторгуевтар ааттарынан Саха циркэтэ үгэс буолбут Саҥа дьыллааҕы «Книга чудес» саҥа испэктээкилин сүрэхтээтэ.…
Дьокуускайга тохсунньу 4–6 күннэригэр өрөспүүбүлүкэ чөмпүйүөнэ Евгений Охотин кэриэһигэр саахымакка өрөспүүбүлүкэтээҕи турниры ыытар былааннанар. Бу…
Билиигэ-сайдыыга угуйбут, кэскиллээҕи, үйэлээҕи түстээбит, дьоҥҥо-сэргэҕэ кэрэни сахпыт Мария Кирилловна Потапова быйыл төрөөбүтэ 100 сыла…