Хаартыска: Ил Дархан, бырабыыталыстыба дьаһалтатын пресс-сулууспата.
Үлэ, социальнай сайдыы миниистирэ Елена Волкова “Якутия24” ханаалга “Актуальное интервью” биэрии быһа эпииригэр Үлэ сыла хайдах саҕаламмытын, туох үлэ ыытыллыахтааҕын кэпсээтэ.
— Үлэ сылын тэрээһиннэрин былаана олунньу ыйга бигэргэммитэ. Сүрүннээн уопсастыбанньыктар, идэлээх сойуустар, үлэни биэрээччилэр, олохтоох бэйэни салайыныы уорганнарын этиилэрэ киирбиттэрэ. Былаан барыта 10 сүрүн түһүмэхтээх, холобур, оҕону үлэнэн иитии эйгэтин сайыннарыы, ыччат дьарыктаах буолуутун, социальнай партнерствоны сайыннарыы, үлэ усулуобуйата уонна төлөбүрэ дьоһун буоларын ситиһии, үлэ дьонун ааттарын үрдэтии, о.д.а.
Ил Дархан Айсен Николаев бастыҥ үлэһит дьоҥҥо 300-түү тыһыынча солкуобайдаах 50 бириэмийэни олохтуур туһунан ыйаах таһаарбыта. Бириэмийэлэри Эйэ, Үлэ бырааһынньыгар — ыам ыйын 1 күнүгэр туттарыахтара. Балаһыанньа быһыытынан, үс түһүмэхтээх талыы ыытыллар. Кулун тутар 24 күнүгэр диэри үлэ кэлэктииптэрэ бэйэлэрин хандьыдааттарын сайаапкатын түһэрэллэр. Бу кэнниттэн тустаах министиэристибэ хандьыдаат киритиэрийдэргэ төһө эппиэттиирин быһаарар. Үһүс түһүмэххэ бырабыыталыстыба хамыыһыйата быһаарар, — диэн миниистир кэпсээтэ.
Онон Елена Волкова үлэ кэлэктииптэрин кулун тутар 24 күнүгэр диэри сайаапкалары түһэрэллэригэр ыҥырда.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…