Хаартыска:СИА
Үлэ ырыынагар сүрүннээн оробуочай идэлэргэ наадыйыы үгүс.
Саха сирин Дьарыктаах буолуу судаарыстыбаннай кэмитиэтэ иһитиннэрбитинэн, бүгүҥҥү күҥҥэ 10 тыһыынча үлэ миэстэтэ баарыттан 6 тыһыынча оробуочай идэҕэ миэстэ аһаҕас. Ол курдук, ордук суоппардар, силиэсэрдэр, машинистар, ону тэҥэ инженердэр, мэдиссиинэ сиэстэрэлэрэ, учууталлар наадалар эбит.
Былырыын 3,7 тыһыынча үлэтэ суох киһиэхэ суоппар, силиэсэр, парикмахер идэлэригэр эбии үөрэх көмөтүнэн үлэ булбуттар. Өрөспүүбүлүкэҕэ «Олохтоох ыччаты – бырамыысыланнаска» бырайыак чэрчитинэн бульдозер, экскаватор, буровой тэрил машиниһа, электромонтер, электрогазосварщик, горнорабочай, стропальщик курдук идэлэргэ анаан үөрэттэрэн, үлэһиттэри булаллар.
«Ааспыт сыл аҥаарыгар 8 тыһыынчаттан тахса киһини, ол иһигэр 3 845 киһи 35 сааһыгар диэри ыччат, 1 573 — вахта ньыматынан, 1 382 – сезоннай үлэҕэ, 1 841 киһи тыа сиригэр үлэлээх оҥордубут», –диэн бэлиэтээтэ Саха сиринээҕи Дьарыктаах буолуу судаарыстыбаннай кэмитиэтин салайааччыта Светлана Горюшинская.
Судаарыстыбаннай бэлиитикэ биир сүрүн соруга – инбэлиит дьону үлэнэн хааччыйыы. 784 доруобуйатыгар хааччахтаах киһи Дьарыктаах буолуу кииннэриттэн үлэ көрдөөбүттэриттэн 394 киһиэхэ үлэ булан биэрбиттэр.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…