Үлэ ыстааһа суохтарга биэнсийэ кээмэйэ төһө буоларый?

Арассыыйаҕа страховой ыстааһа суохтарга биэнсийэ ананар, ол эрээри кээмэйэ намыһах, оттон биэнсийэ ананааччыга сааһа үрдүк буолар. Бу туһунан «Газета.ru» экэнэмиис Игорь Балынин кэпсээтэ.

Ол курдук, биэнсийэҕэ тахсарга сайабылыанньа биэрээччи ыстааһа тиийбэт, кыра  буоллаҕына, социальнай төлөбүрдэри аахсар бырааптаах диэн исписэлиис бэлиэтиир. Бу гражданнар биэнсийэ төлөбүрүн болдьоҕуттан 60 ый хойутаан ылыахтара.

«Страховой ыстааһа суохтарга биэнсийэ ананар, ол гынан баран кээмэйэ намыһах буолуо, онтон сааһынан анааһын үрдүк: 65 саастарыгар (дьахталларга) уонна 70 саастарыгар (эр дьоҥҥо), — диэтэ Балынин. — Социальнай биэнсийэ кээмэйэ  билигин ортотунан 7689,83 солк.».

Экэнэмиис эбэн этэринэн, биэнсийэҕэ тахсыы болдьоҕо уонна кээмэйэ хамнас төлөбүрүн ылар кээмэйиттэн тутулуктаах. «Кэмбиэргэ» ылар хамнастан аккаастаныахха наада диэн кини чуолкайдаата.