МВД-Медиа хаартыската.
ИДьМ Алдан оройуонун полиция отделын участковайдара бырамыысыланнай тэрилтэҕэ үлэҕэ киирээри сымыйа докумуоннары туһаныы икки түбэлтэтэ тахсыбытын булан ыллылар.
Кемеровскай уобалас 38 саастаах олохтооҕо вахтовай ньыманан эбийиэктэри тутар бөлөх салайааччытынан үлэҕэ киирэргэ быһаарыммыт итиэннэ каадыр подразделениетыгар сымыйанан оҥоһуллубут инженер дьупулуомун уонна да атын докумуоннары туттарбыт.
Үөрэх тэрилтэтэ бу гражданиҥҥа ханнык да дьупулуому биэрбэтэҕин туһунан информациятын тутаат, полиция үлэһиттэрэ докумуону эспэртиисэҕэ ыыппыттар. Эспэртиисэ үрдүк үөрэх туһунан докумуон сымыйатын булан ылбыт. Эр киһи бу дьупулуому 2024 сыл алтынньытыгар Алтайскай кыраай биир куоратыгар атыыласпытын эппит.
Оттон Красноярскай кыраайтан сылдьар 36 саастаах суоппар бастаан утаа ыытыллар мэдиссиинискэй көрүү сымыйа түмүгүн тутта сылдьара тутулунна. Эр киһи үлэҕэ киирэргэ ирдэнэр мэдиссиинискэй чинчийиини ааһарын оннугар, 2024 сыл ахсынньытыгар докумуону атыыласпытын, ону кэлин тэрилтэ каадырга салаатыгар аҕалан көрдөрбүтүн билиннэ.
РФ Холуобунай кодексын 327 ыстатыйатын 3-с чааһынан, билэ-билэ сымыйа докумуоннары туһанар сыалтан атыыласпыт, харайбыт, таспыт чахчыларыгар буруйдаахтарга холуобунай дьыалалар тэрилиннилэр.
ИДьМ Саха сиринээҕи пресс-сулууспата эппитинэн, билигин холуобунай дьыалалары силиэстийэлээһин түмүктэннэ, матырыйааллар суукка ыытылыннылар.
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саҥа үөрэх дьылын көрсө, атырдьах ыйын 27 күнүгэр, «Анаабыр алмаастара» АУо көмөтүнэн, табаһыттар оҕолорун Булуҥ…
Дьокуускай куорат борокуратуурата Усуйаана улууһун 27 саастаах олохтооҕор тэриллибит холобуонай дьыалаҕа буруйдааһыны өйөөтө. Кини халабыр…
"Улахан тэрилтэлэр уонна судаарыстыбаннай былаас уорганнарын үлэлэрин билсии инникитин өрөспүүбүлүкэни салайыахтаах дьону үөрэтиигэ дьоһуннаах хардыынан…
Чурапчы улууһугар “Дойдуну көмүскээччилэр” пуонда Саха сиринээҕи салаатын социальнай сүрүннээччитин көҕүлээһининэн Арассыыйа Дьоруойа, батальон хамандыыра,…
Атырдьах ыйын 25 күнэ. Дойду РФ Бэрэсидьиэнэ Владимирович Путин ыйааҕынан Саха сириттэн Герман Степанович уонна…