Хаартыска Е.Наумова тиксэриитэ
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай тэриллиилэр бэрэстэбиитэллээх уорганнарын дьокутааттарын III сийиэһигэр сырыттыбыт.
Үһүс төгүлүн ыытыллыбыт сийиэскэ электроннай регистрация түмүгүнэн барыта 528 дэлэгээт кыттыыны ылла. Саастарынан көрдөххө, 35 сааһыгар диэри 56 дэлэгээт, 35-50 диэри 236, 50-тан үөһээ 235 дэлэгээт кыттыыны ыллылар. Саамай саастаахпыт — 77 , саамай эдэрбит Амма улууһуттан кэлбит 24 саастаах дэлэгээт.
Бастакы күн төгүрүк остуол тула кэпсэтии буолла. Манна араас улуустартан этиилэр киирдилэр, сибээс, ОДьКХ, мэдиссиинэ, оскуола, уһуйаан кыһалҕаларын дьүүллэстилэр. Хотугу надбавканы үрдэтэри туруорустулар. Иккис күн тыл этиитэ сүрүннээн «Об общих принципах организации местного самоуправления в единой системе публичной власти» (20.03.2025 № 33-ФЗ) тула кэпсэтии буолла. Кэпсэтиигэ уларыйыылар, тыа хаһаайыстыбатын сайыннарыы, Арктикаҕа муниципалитекка каадыр боппуруостарын бөҕөргөтүү, уо.д.а. боппуруостары туруордулар. Норуоту кытта биир санааны ылынан, сыаллаах-соруктаах, олох-дьаһах сайдыытын, дьон-сэргэ интэриэһин туһугар үлэлээн сайдыы суолугар эрэллээхтик үктэниэхпит диэн соруктаах тэрээһин буолла. Бу үлэҕэ-хамнаска бөҕө тирэх буолар, санааны күүһүрдэр.
Елизавета Наумова,
Кыргыдай, Бүлүү
Хаартыска Е.Наумова тиксэриитэ
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…