Атамайдар үөрэбит, киэн туттабыт

Дьокуускайга 2025 сылга бочуоттаах кинигэҕэ киирбит үлэһит династиялары чиэстээһин буолла.

Бу кинигэҕэ элбэх сыл устата талан ылбыт идэлэригэр бэриниилээхтик, көлүөнэттэн көлүөнэҕэ бэйэлэрин сатабылларын тиэрдэн, хаҥатан, ситиһиилээхтик үлэлээбит дьону-сэргэни, аймахтары киллэрэллэр.

Уон бастыҥ иһигэр киирэн, биһиги нэһилиэктэн Васильевтар аймах үлэһит династия кинигэтигэр киирэр туоһу суругу үөрүүлээх быһыыга-майгыга туттулар.
Түгэнинэн туһанан эттэххэ, Атамайга Васильевтар аймах өр сылларга тыа хаһаайыстыбатын үлэтинэн утумнаахтык уонна таһаарыылаахтык үлэлээбит үтүө үлэһиттэр. Кинилэр бу хайысхаҕа үлэлээбит ыстаастара холбоон 861 сыл буолбут. Түгэнинэн туһанан, олохтоох дьаһалта уонна биир дойдулаахтар ааттарыттан Васильевтарга истиҥ эҕэрдэбитин тиэрдэбит. Дойдубут сайдыытыгар салгыы үлэлииллэригэр эрэлбит улахан.

Дмитрий Яковлев,

Атамай, Горнай.

Хаартыска: Д.Яковлев тиксэриитэ