Үлэһит тыына быстыбытынан холуобунай дьыала тэрилиннэ

Өймөкөөҥҥө рудникка хайа боруодата сиҥниитигэр үлэһит тыына быстыбытынан РФ СӨ Силиэстийэлиир кэмитиэтин Силиэстийэлиир управлениетын Илин-Саха сиринээҕи оройуоннар икки ардыларынааҕы силиэстийэлиир отделын силиэдэбэтэлэ бэрэбиэркэ түмүгүнэн холуобунай дьыаланы тэрийдэ диэн СӨ Силиэстийэлиир кэмитиэтэ иһитиннэрэр.

Силиэстийэ дааннайдарынан, 2025 сыл балаҕан ыйыгар Өймөкөөн улууһугар бырамыысыланнас тэрилтэтигэр рудникка хайа боруодата сиҥнэн, проходчигынан үлэлиир киһи үрдүгэр кэлэн түспүт. Ылбыт эчэйиилэриттэн ол киһи тута тыына быстыбыт.

Силиэстийэ дааннайдарынан, сэрэхтээх буолуу быраабылаларыгар эппиэтинэстээх киһи кэһиилэри оҥорбутуттан бу маннык быһылаан тахсыбыт буолуон сөп диэн быһаарбыттар.

Холуобунай дьыаланан докумуоннары бэрэбиэркэлииллэр, эспэртиисэ чинчийиилэрэ ананнылар, силиэстийэ ыытыллар.