Ил Дархан, бырабыыталыстыба дьаһалтатын пресс-сулууспата.
“Муус устар” ыччат бэстибээлигэр «ПОКОЛЕНИЕ ПРОФИ!» диэн өрөспүүбүлүкэтээҕи куонкурус түмүктэрэ таҕыстылар. Бу Үлэ сылыгар анаммыт куонкуруһу үлэ, социальнай сайдыы министиэристибэтэ тэрийдэ. Манна 23 улуустан уонна киин куораттан оробуочай идэлээх эдэр дьон кытыннылар.
— “Муус устар” бэстибээл сыл аайы кэҥээн иһэр. Бу сылы Ил Дархан Үлэ сылынан биллэрбитэ, онон үлэ киһитигэр болҕомто күүһүрэр. Бу куонкуруска ыччат кыттар. Онон, уолаттар уонна кыргыттар, таптыыр дьарыкка, идэҕэ бэриниини, үрдүк маастарыстыбаны көрдөрдүгүт, кэлэр 20-30 сылга эһиги өрөспүүбүлүкэни сайыннарыаххыт, хамсатар күүс буолуоххут, — диэн бырабыыталыстыба бэрэссэдээтэлин солбуйааччы Георгий Степанов эттэ.
Куонкурус түмүгүнэн үс кыайыылаах билиннэ: Илья Беззубов (Дьокуускай) уонна Игорь Лебедев (Өлүөхүмэ) Сочи куоракка буолар Бүтүн Арассыыйатааҕы “Охрана труда-2023” куонкуруска кыттар сэртипикээтинэн наҕараадаланнылар. Кинилэр онно босхо баран, олорон кыттыахтара. Андрей Федоров (Ленскэй) “Анаабыр алмаастара” хампаанньаҕа стажировкаланар кыахтанна.
Маны тэҥэ 9 кыттааччы “Анаабыр алмаастара” хампаанньаҕа үлэҕэ ыҥырылынна.
«ПОКОЛЕНИЕ ПРОФИ!» куонкурус икки түһүмэҕинэн ыытыллыбыта. Улуустарга түһүмэх кулун тутар 15 күнүгэр түмүктэммитэ. Бу улуустааҕы түһүмэххэ кыайбыт иккилии киһи кэлэн, өрөспүүбүлүкэтээҕи түһүмэххэ кытыннылар.
Ил Дархан, бырабыыталыстыба дьаһалтатын пресс-сулууспата.
Дойду Бэрэсидьиэнэ Владимир Путин сылы түмүктүүр быһа эпиирэ буолан ааста, олох бары салаата хабылынна. Бүтүн…
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…