Үлэлээбэт дьоҥҥо биэнсийэ 4,8% үрдээтэ

Үгэс курдук, үлэлээбэт биэнсийэлээхтэргэ биэнсийэлэрэ сыл саҕаланыыта – тохсунньу 1 күнүгэр индексацияланар. 2023 сыл саҥатыгар кинилэр биэнсийэлэрэ 4,8% үрдээбитэ.

Биэнсийэлээх үлэлиир буоллаҕына, биэнсийэтэ индексацияламмат. Үлэлээн уурайбытын кэннэ, биэнсийэтэ үрдүүр – кини үлэлиир кэмигэр индексацияламматах кээмэйин ситэр, ол эбэтэр, ылбатах индексациятын хос ааҕан, эбэллэр. Онон үлэлээн уурайбытын кэнниттэн, кэлэр ыйтан үрдээбит биэнсийэтин ылан барар.

Бу кэнниттэн кини эмиэ үлэлии киирдэҕинэ, бу индексацияламмыт биэнсийэтэ кыччаабат эрээри, тохсунньу 1 күнүгэр саҥа индексация ааҕыллыбат.