Хаартыска: PxHere
Арассыыйа Социальнай пуондата 2025 сылтан саҥа быраабыланан биэнсийэ төлөбүрдэрин кээмэйин үрдэтэргэ толору бэлэмнэнэр. Онтон сорох биэнсийэлээхтэр эрдэ, бу сыл ахсынньытыгар, төлөбүрдэри эбиллибит кээмэйинэн ылыахтара.
Бу туһунан алтынньы 14 күнүгэр Социальнай пуонда салайааччыта Сергей Чирков Госдуумаҕа Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин мунньаҕар иһитиннэрдэ. Бу туһунан «Парламентская газета» суруйар.
Социальнай пуонда 2025 сыл тохсунньу 1 күнүттэн күүһүгэр киирэр страховой биэнсийэлээхтэр төлөбүрдэрин индексациялааһыны сөргүтүөҕэ диэн бэлиэтиир Сергей Чирков. Кини этэринэн, үлэлиир биэнсийэлээхтэр төлөбүрдэрин кээмэйэ эмиэ үлэлээбэт биэнсийэлээхтэргэ курдук кээмэйэ үрдүөҕэ. Бу ааспыт сыл саҥатыгар инфляцияны учуоттаан, хас сыл ахсын саҕаланыыта ыытыллар.
Сыл саҕаланыытыттан Арассыыйаҕа биэнсийэ ортотунан 7,3% үрдүөҕэ, оттон 2025 сыл муус устар 1 күнүттэн социальнай биэнсийэ 14,73% индексацияланыаҕа диэн Госдуумаҕа Үлэ кэмитиэтин чилиэнэ Светлана Бессараб санатта.
Саҥа дьыллааҕы бырааһынньыктарынан сибээстээн, сорох аҕам саастаахтар биэнсийэ төлөбүрэ болдьоҕун иннинэ — ахсынньыга үрдээбитинэн ааҕыллыаҕа диэн кэмитиэт баһылыга Ярослав Нилов бэлиэтээтэ. Итинэн сибээстээн Социальнай пуонда салайааччыта бу дьоҥҥо саҥа быраабыланан, ол эбэтэр индексацияны учуоттаан, төлөбүрү үрдээбит кээмэйинэн чахчы ылыахтара дуо диэн ыйытта. Манна Сергей Чирков пуонда бүддьүөтүгэр үп-харчы толору көрүллэн угуллубутун туһунан бигэргэттэ.
«Биэнсийэни тохсунньу 12 күнүгэр диэри ылааччыларга бу сыл ахсынньы бүтэһигэр диэри төлөбүрдэр толору ыытыллыахтара. Оттон атын күннэргэ биэнсийэни ылааччыларга 2025 сыл тохсунньу ый туһааннаах күннэригэр төлөнүөҕэ», — диэн Социальнай пуонда баһылыга эрэннэрдэ.
Ахсынньы 8 күнэ. Айсен Николаев РФ Бэрэсидьиэнигэр стратегическай сайдыыга уонна национальнай бырайыактарга Сэбиэт мунньаҕар кытынна.…
Дьокуускайтан Москваҕа, Санкт-Петербурга, Сочига, Владивостокка уонна атын куораттарга субсидиялаах авиабилиэттэр атыыга таҕыстылар. Ону таһынан Нерюнгриттан…
Ил Дархан «Доруобуйа харыстабылын сайыннарар уонна дьон доруобуйатын бөҕөргөтөр стратегическай хайысхалар тустарынан» ыйааҕар сөп түбэһиннэрэр,…
Өймөкөөн улууһугар борокуратуура ирдэбилинэн, киһини өлөрүүгэ сууттаммыт буруйдаах өлбүт киһи аймахтарыгар 1,3 мөлүйүөнтэн тахса солкуобайы…
Бу күннэргэ киин улуустарга тымныы күн-дьыл туран, үгүспүт хаһан сылыйарын кэтэһэн эрэбит. Норуот синоптига Тускул…
Үүнэр саҥа сыл бастакы 12 күнүн хайдах атаараҕын да, сылыҥ оннук ааһыа. Ол эбэтэр, биир…