Өрөспүүбүлүкэтээҕи уопсастыбаннай доруобуйа киинэ
Муус устар 22-28 күннэригэр РФ доруобуйаҕа харыстабыла дойду үрдүнэн Үлэлиир сиргэ доруобуйаны бөҕөргөтүү нэдиэлэтин биллэрбитэ. Бу тэрээһин муус устар 28 күнүгэр бэлиэтэнэр Үлэ харыстабылын аан дойдутааҕы күнүн чэрчитинэн ыытыллар.
Саха сиригэр кэккэ тэрээһиннэр былааннаммыттар. Өрөспүүбүлүкэтээҕи уопсастыбаннай доруобуйа киинэ табахтан аккаастанарга «Дыши полной грудью», сэрээккэлээн эти-сиини чэбдигирдэргэ «Будь активным — встань со своего кресла», хаан баттааһынын кээмэйдииргэ «Все под контролем» аахсыйалары ыытар.
Тэрилтэҕэ үлэһиттэр доруобуйаларын туругар кыһаллаллара, бары бииргэ сэрээккэлииллэрэ, о.д.а. үлэ хаачыстыбатын, үлэһиттэр сыһыаннарын тупсарар, тэрилтэ ороскуотун намтатар.
Тэрилтэлэргэ үлэһиттэр доруобуйаларын харыстыырга туһуламмыт корпоративнай бырагыраамалар, бырайыактар бааллара өссө ордук көдьүүстээх буолар.
Саха сиригэр биир оннук бастыҥ тэрилтэнэн Элбэх өҥөнү оҥорор киин (МФЦ) буолар. Киин 2023 сыл түмүгүнэн, үлэһиттэр доруобуйаларын бөҕөргөтөргө туһуламмыт корпоративнай бырагыраамалар куонкурустарыгар кыайбыта.
Элбэх өҥөнү оҥорор киин үлэһиттэрэ кэмиттэн кэмигэр диспансеризацияҕа, спортивнай күрэхтэһиилэргэ кытталлар, чөл олоҕу тутуһаллар. Үлэлиир сиргэ сөпкө аһыыры тутуһуу, хамсаныы-имсэнии, истириэстэн харыстаныы, кэлиэгэлэри кытта уопсай тэрээһиҥҥэ кыттыһыы — бу барыта үлэһит доруобуйатыгар дьайар.
Корпоративнай бырагырааманы ылыналларыгар доруобуйа харыстабылын министиэристибэтэ уонна Өрөспүүбүлүкэтээҕи уопсастыбаннай доруобуйа киинэ төһүү буолбуттара.
Бу үлэ бэрэсидьиэн Владимир Путин көҕүлээбит «Доруобуйа харыстабыла» национальнай бырайыак сыалларын-соруктарын толоруу чэрчитинэн ыытыллар.
Ил Дархан, бырабыыталыстыба дьаһалтатын пресс-сулууспата.
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…