Хаартыска: Саха сиринээҕи Силиэстийэлиир кэмитиэтэ
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир управлениетын силиэстийэлиир чааһын силиэдэбэтэллэрэ бу холуобунай дьыаланы силиэстийэлээн бүтэрдилэр.
Ол курдук, силиэстийэҕэ биллибитинэн, буруйданар дьахтар спутниковай төлөпүөннэри атыылыыр уонна уларсар тэрилтэҕэ дириэктэринэн уонна кылаабынай буҕаалтырынан үлэлээбит. 2022 сыл бэс ыйыттан 2025 сыл тохсунньутугар диэри, хампаанньа счетугар киирэр кыахтаах буолан, харчыны уора олорбут.
Хампаанньа харчытынан дьахтар тугу баҕарбытын барытын атыыласпыт: робот-пылесоһу, тэлэбиисэри, ноутбугу, айфону, чаһыны, Владивостокка баран кэлэр билиэттэри. Өссө кирэдьиит каартатыгар уонна ипотекаҕа иэһин саппыт, аймахтарыгар көмөлөһөр, хомунаалынай өҥө, мэдиссиинэ килииникэлэрин, кэрэ сэбэрэ солуоннарын өҥөлөрүн төлөбүрүн төлүүр эбит.
Харчыны уорарын билэ-билэ, суолун-ииһин сапта сатаабыт: буҕаалтыр, ыскылаат учуотун систиэмэтигэр көстөр устуоруйатын, иһитиннэриилэри сотторор эбит.
Силиэстийэ кэмигэр дьахтар буруйун билиннэ уонна оҥорбут дьайыытын кэмсиннэ. Куораттан тахсыбатын туһунан баппыыскаҕа илии баттаата.
Бу атыыласпыт малын-салын былдьаан ылбыттар уонна олорор кыбартыыратыгар «арест» туруорбуттар.
Билигин холуобунай дьыала матырыйааллара уонна борокуратуура буруйдуур дьыалата суукка бэрилиннилэр.
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…